ل جڤاتا نوونه‌ران بزاڤا هه‌لوه‌شاندنا ئه‌نجامێن هه‌لبژارتنان دهێته كرن
ئه‌ڤرۆنيوز:
ل دووڤ به‌لگه‌يه‌كا نه‌فه‌رمى، جڤاتا نوونه‌رێن عيراقێ (يێ ده‌م ب سه‌رڤه‌چووى) بزاڤێن هه‌لوه‌شاندنا ئه‌نجامێن هه‌لبژارتنێن جڤاتا نوونه‌ران دكه‌ت كو ل 12گولانا 2018 هاتينه ئه‌نجامدان، داخواز ژى دكه‌ت كۆمسيۆنا هه‌لبژارتنان بهێته هه‌لوه‌شاندن.
ئاماژه ب وێ چه‌ندێ ژى هاتيه كرن كو جڤاتا بلند يا دادوه‌ريێ 9 دادوه‌ران ب راسپێريت بۆ بۆ ئێكێ ده‌ستهه‌لاتێن جڤاتا كۆمسياران ل كۆمسيۆنا بلند يا هه‌لبژارتنان ودادوه‌ره‌ك بۆ هه‌ر نڤيسينگه‌هه‌كا كۆمسيۆنێ ل پارێزگه‌هان ل 1/7/2018 بهێته دانان تا وى ده‌مى ژلايێ دادگه‌ها فيدرالى ڤه ئه‌نجامێن هه‌لبژارتنان دهێنه په‌سه‌ندكرن.
داخواز ژى هاتيه كرن كو كاركرن ب ئاميرێ ئه‌لكترۆنى بهێته راگرتن وجوداكرن وهژماركرنا ده‌نگان ب ده‌ستى بهێته كرن وهه‌موو ئه‌ندامێن جڤاتا كۆمسيۆنا بلند يا هه‌لبژارتنان ژپۆستێن وان بهێنه لادان.
