سوباهى شانده‌كێ بلند يێ پارتى دێ چيته به‌غدا
ئه‌ڤرۆنيوز:
برياره سوباهى سێشه‌مبى 22/5/2018 شانده‌كێ بلند يێ پارتى ديموكراتى كوردستان ب سه‌رۆكاتيا فازل ميرانى سه‌ره‌دانا به‌غدا بكه‌ت بۆ دانوستاندنێ ل گه‌ل لايه‌نێن سه‌ركه‌فتى دهه‌لبژارتنان دا.
هشيار زێبارى، ئه‌ندامێ مه‌كته‌با سياسى يا پارتى راگه‌هاند” بۆ دانوستاندنێ ل گه‌ل لايه‌نين سه‌ركه‌فتى دهه‌لبژارتنێن جڤاتا نوونه‌رين عيراقێ، پارتى دێ شانده‌كێ هنێريته به‌غدا”.
زێبارى بۆ رووداو گۆت” شاندێ پارتى سوباهى سێشه‌مبى 22/5/2018 ب سه‌رۆكاتيا فازل ميرانى سكرتێرێ مه‌كته‌با سياسى دێ دانوستاندنێ ل گه‌ل لايه‌نێن سه‌ركه‌فتى دهه‌لبژارتنان دا كه‌ت”.
شاندێ پارتى دێ پێك هيت ژ خسرۆ گۆران، ئه‌ندامێ سه‌ركردايه‌تيێ وشوان محه‌مه‌د تاها به‌رپرسێ لقێ پێنج يێ پارتى ل به‌غدا.