بریارا ئازادکرنا دەمیرتاشی هاتە رەت کرن
ئەڤرۆ نیوز ، زنار تۆڤی :
دادگەها سزایێن گران یا ئەنقەرێ داخوازا ئازادکرنا سەلاحەدین دەمیرتاشی رەت کر و پارێزەرێن وی ژی چاڤەریێ بریارا فەرمی یا دادگەهێ نە.
پشتی کۆمبوونا دوهی یا دادگەها سزایێن گران ل ئەنقەرێ ل پایتەختێ تورکیا، ل دۆر داخوازناما ئازادکرنا سەلاحەدین دەمیرتاشی بەربژارێ هەدەپێ بۆ سەرۆک کۆماریا تورکیا، میدیایێن تورکیا نووچەیێ رەتکرنا ئازادکرنا وی بەلاڤ کریە و دیار کریە، کو لدووڤ مەرج و قانوونێن دادگەهێ دەمیرتاش ناهێتە ئازادکرن.
د هەمان دەمدا مەحسوم کارامان، سەرۆکێ تیما پارێزەرێن بەرگریکار ژ دوسەیا دەمیرتاشی راگەهاندیە، کو هەتا نوکە چو بریارێن فەرمی یێن دادگەهێ نەگەشتینە دەستێ وان.