فتاره خارنه‌ك بۆ 500 پله‌دارێن پۆلیسێن هاتنوچوونێ هاته به‌رهه‌ڤكرن
ئه‌ڤرۆ نيوز:
ب هه‌لكه‌فتا هاتنا هه‌یڤا ره‌مه‌زانا پیروز ول دویڤ به‌رنامێ كارگێریا پارێزگه‌ها دهوكێ بو دانا فتارا بو ته‌خێن جودا جودا یێن جڤاكی ئه‌ڤرو ئێڤاری 22-5-2018ب ئاماده‌بونا فه‌رهاد ئه‌مین ئه‌تروشی پارێزگه‌رێ دهوكێ فتاره خارنه‌ك بو (500) پله‌دارێن پولیسێن هاتن وچونا پارێزگه‌ها دهوكێ هاته رێكخستن.
بڤێ هه‌لكه‌فتێ ولدور مه‌ره‌ما ئاماده‌كرنا فتاره خارنێ پارێزگه‌رێ دهوكێ بو كه‌نالێن راگه‌هاندنێ گوت: مه‌ره‌م ئه‌وه ئه‌م دبین پولیسێن مه یێن هاتن وچونێ ل وه‌رزێن گه‌رما وسه‌رمایێ وهه‌موو هه‌لكه‌فتا زه‌حمه‌ته‌كا مه‌زن دكێشن بو رێكخستنا هاتن وچونا گشتی وئه‌و فتارا ئه‌ڤرو مه بو وان به‌رهه‌ڤكری رێزگرتنه‌كا كێمه هه‌مبه‌ر كار وخزمه‌تا وان یا پیروز ئه‌م ده‌ست خوشیێ لێ دكه‌ین وداخازا سه‌ركه‌فتنێ بو دكه‌ین.
ل دور به‌رنامێ روژێن بهێت یێ دانا فتارا پارێزگه‌رێ دهكێ گوت: مه به‌رنامه هه‌یه بو روژێن بهێت ژی هنده‌ك فتاره خارنا بو رێڤه‌به‌ریێن دی وهنده‌ك ته‌خێن دی یێن جڤاكی به‌رهه‌ڤكه‌ین.
هه‌ژی گوتنێ یه هه‌ر ئه‌ڤرو فتاره خارنه‌ك بو پترژ( 150) كه‌س ورێڤنگا ل ناڤ پاركێ نه‌وروز هاته ئاماده‌كرن وبریاره روژانه وب درێژیا هه‌یڤا ره‌مه‌زانێ فتاره بو (150) كه‌سا لناڤ وی پاركی لناڤ سه‌نته‌رێ باژێرێ دهوكێ بهێته ئاماده‌كرن.:
