ئێكەمین هێلا فرۆكەڤانیا كوردستانی ب فه‌رمی هاتە ڤەكرن
ئەڤرۆ نیوز ، زنار تۆڤی :
ل هەولێرا پایتەخت ڤەكرنا ئێكەم هێلا فرۆکەڤانیا كوردستانێ ب فەرمی هاتە راگەهاندن.
هێلا فرۆكەڤانیا (فلای ئەربیل) ، کو دوو فرۆکێن نەفەرهەلگر هەنە و د ئێکەم قۆناغدا دێ گەشتێن خوە بۆ هەشت وەلاتێن جیهانێ ئەنجام دەت ، ئێكەم گەشت ژی دێ ل رۆژا 16 ڤێ هەیڤێ بیت ، کو دێ دناڤبەرا هەولێر و ستوکهولما پایتەختێ سوید هێتە ئەنجامدان.
ب ڤێ هەلکەفتێ كۆمپانیا فلای ئەربیل راگەهاند كو ژ بلی ڤان هەردوو فرۆکان ، ل دەمەکێ نێزیكدا دێ فرۆكەکا نوو کرن و دێ ژمارا گەشتێن خوە ژی زێدە كەن.
د نوکە دا هەموو ستافێ ڤێ كۆمپانیا فرۆكەڤانی كوردن ، لێ ب تنێ كاپتنێن فرۆکێ نەبن ، هەروەسا تابلۆ و نڤێسینێن سەر هەموو كەلوپەل و كەرەستێن دناڤا فرۆكان دا ، هەروەسا رێنمایی و زانیاری ژی ب زمانێ كوردی هاتینە نڤێسین.