سوريا لڤينێن ئه‌مريكا و توركيا ل منبج شه‌رمزار دكه‌ت
ئه‌ڤرۆ نيوز، فاتما مزوورى:
حوكمه‌تا سوريا لڤينێن هێزێن ئه‌مه‌ریكا و توركیا ل ده‌وروبه‌رێن باژارێ منبج ل باكورێ وی وه‌لاتی شه‌مه‌زار كرن.
ئه‌ڤ هه‌لويستێ دیمه‌شقێ پشتی رۆژه‌كێ ژ ده‌ستپێكرنا لڤينێن وان هه‌ردو وه‌لاتان ل ده‌ڤه‌را منبج دهێن.
رۆژا دوشه‌مبیا بوری هێزێن ئه‌مه‌ریكا و توركیا ب درێژاها هێلا جوداكرنا ناڤبه‌را وێ ده‌ڤه‌رێ كو دبن ده‌ستێ توركیا دایه ل باكوورێ سوریا و باژارێ منبج كو دبن كۆنترۆلا هێزێن سه‌ر ب سوریا ديموكراتیك كو ئه‌مه‌ریكا پشته‌ڤانيا وێ دكه‌ن دايه ده‌ست ب لڤينێن له‌شكرى كريه.
ئاژانسا عه‌ره‌بی سوریا داخویانیه‌ك ل سه‌ر زارێ وه‌زاره‌تا ده‌رڤه یا وی وه‌لاتی به‌لاڤ كریه كو تێدا ب دژواری ئیدانه‌یا لڤينێن ئه‌مه‌ریكا و توركیا ل ده‌وروبه‌رێن باژارێ منبج دكه‌ت.
هه‌ڤده‌م وه‌زاره‌تا ده‌رڤه یا سوریا ئاماژه ب وێ یه‌كێ ژی كر كو سوپایێ ولاتێ وان دێ ژبۆ رزگاریكرنا هه‌موو ده‌ڤه‌ران و ده‌رخستنا هێزێن بیانی پارێزگاريێ ل ئێكه‌تيا ئاخ و گه‌لێ سوریا كه‌ت.
