خودانێن دو مواليدان ل دهۆكێ هاتنه سزادان
ئه‌ڤرۆ نيوز، نيوار محه‌مه‌د سه‌ليم:
لژنا مواليدان ل پارێزگه‌ها دهۆكێ ب سه‌رپه‌رشتيا قايمقامێ قه‌زا دهۆك كۆمبوو و د كۆمبوونا خوه دا، سه‌ره‌راى دياركرنا به‌رنامێ كاركرنا مواليدان بۆ تيرمه‌هێ و دياركرنا بهايێ ئه‌مپێرێ كاره‌بێ بۆ هه‌يڤا خزيرانێ، خودانێن دو مواليدان سزا دان.
ب گۆره‌ى راپۆرتا دووماهيێ يا لژنا مواليدان كو دانه‌ك ب ده‌ست ئه‌ڤرۆ نيوز كه‌فتيه، ل مالتا سه‌رى نێزيك رێڤه‌به‌ريا ئه‌وقافێ خودانێ مواليده‌ى هاتيه سزادان و خه‌لكێ وى تاخى دێ 12.250 ديناران بهايێ ئێك ئه‌مپێر ده‌ت و هوشداريا دووماهيێ ژى دايێ كو دڤێت ئاريشێن خوه چاره كه‌ت.
هه‌ر ب گۆره‌ى وێ راپۆرتێ ل تاخێ گه‌ڤه‌ركێ ژى خودانێ مواليده‌ى هاتيه سزادان و دێ كۆژمێ 12.750 ديناران ژ وه‌لاتيان وه‌رگريت و هوشداريا دووماهيێ دايێ كو دڤێت ئاريشێن خوه چاره بكه‌ت.
