پرۆژێ ستیراتیژی يێ رێيا نێڤدەولەتی بۆ قەزا بەردەرەش و ئوڤەر پاسا باعەدرێ يێ دھێتە تمامکرن
ئەڤرۆ نیوز، بارزان مزووری:
ئەندازیار مەعصوم ئیبراھیم، رێڤەبەرێ گشتی یێ رێک و پرا و ئاڤەدانکرن و بنه‌جهکرنێ ل پارێزگەھا دھۆک دیار کر کو ئوڤەرپاسا باعەدرێ ئەوا دکەڤیتە سەر رێيا نێڤدەولەتی یا ھەموو باژێرێن ھەرێما کوردستانێ و پرۆژێ ستیراتیژی یێ سەرەکی یێ جووتسایدێ رۆڤیا بۆ بەردەرەش دووبارە دێ کار سەر تمامکرنا وان پرۆژا ھێته کرن ژ لایێ کومپانیەکا تورکی ڤە.
ئەندازیار مەعصوم ئیبراھیم، رێڤەبەرێ گشتی یێ رێک و پرا و ئاڤەدانکرن و بنه‌جيهکرنێ ل پارێزگەھا دھۆک بۆ ئەڤرۆ نیوز دیار کر کو پرۆژێن ئوڤەرپاسا باعەدرێ و پرۆژێ جووتسایدێ رێيا نێڤدەولەتی ئەوێ دکەڤیتە سەر رێيا سەرەکیا رۆڤیا بۆ بەردەرەش 85% کار ل سەر ھاتیە کرن ئەڤە بۆ ماوەیەکێ درێژ بوو کار ھاتبوو راوەستاندن ژ بەر وێ قەیرانا دارایی یا ب سەر ھەرێما کوردستانێ دا ھاتی، د نھا دا کار ل سەر دھێته کرن بۆ ب دووماھى ئینانا پرۆژەيی، دیسان سایدێ کەڤن یێ کۆمەلگەھا چرە هەتا دگەھیتە قەزا بەردەرەش دھێتە قێرکرن ب ره‌نگه‌کێ مودێرن ژ بەر کو ئەو ساید پێدڤی ب ھندەک نووژەنکرنێن بچووک بوو، به‌لێ بڕیارە کو ئەو ژی وەکو سایدێ نوو لێ بھێت، پشتی ب دووماھى ھاتنا ڤان پرۆژان ب ره‌نگه‌کێ پێش چاڤ روودانێن ھاتنوچوونێ بەر ب نەمانێ ڤە دچن، ژ بەر کو ھەر ژ گه‌هشتنا باعەدرێ هەتا قەزا بەردەرەش رێيا نێڤدەولەتی دێ بیتە جووتساید، ئاریشەیێن رێيا ل ڤان قەزا دێ ب دووماھى ھێن.
ناڤھاتی خویاکر کو د نھا دا 80% کار ل سەر ئوڤەرپاسا کەلەکچی ب دووماھى ھاتیە، کار ژی ل سەر یێ بەردەوامە پشتی ئەڤ کارە ب دووماھى بھێت، ئێکسەر دێ کار ل سەر پرۆژێن دی ھێته کرن.
