جەماوەرێ کەرکووکێ داخوازا ڤەگەریانا ھێزێن پێشمەرگەی دکەن
ئەڤرۆ نيوز:
بەرپرسێ لقێ سێ یێ پارتی دیموکراتی کوردستان ل کەرکووکێ خویاکر، رەوشا نافخۆەیا کەرکورکێ روژ بۆ روژێ بەرەڤ خراببۆنێ دچیت پشتی رودانێن 16 ێ ئۆکتۆبەرا سالا 2017 ێ چەند جورە تاوان بەردەوام دھێنە ئەنجامدان ل کەرکووکێ دژی ھاولاتیان چەندین کردەوێن تیرورستی ژی ھاتینە ئەنجامدان ژ لایێ چەند ھێزێن چەکدارێن نەناس ڤە کارێن تیرورستی ئەنجامدەن ل نافخوەیا کەرکووکێ ، ھندەک ژوان کردەوێن تیروستی ل کەرکووکێ چەکدارێن داعش خوە بەرپرسیار دکەن و ھندەک ژی نەدیارن، ل کەرکووکێ تاوانێن رێکخستی ھەنە کو گروپێن چەکداری دژی مالێن ھاولاتیا ئەنجام ددەن تایبەت مالێن کوردا شەڤانە دچنە سەر ماڵاو ب دەمامکا ڤە داکو نەھێن ناسین پارەو زێرێن ھاولاتیا دزن و تاڵاندکەن ل گەل رێگری کرنا ھاولاتیا لسەر جاددەو گەرەکێن کەرکووکێ تایبەت شەڤانە رێگریا ھەی شوفێرێن ترومبێلا ژی دکوژن ئەڤ تاوان بەردەوام دھێنە ئەنجامدان ژبلی وان گڤاشتن و تاوانێن دەرھەق ب ھاولاتیێن کورد دکەن ل کەرکووکێ.
د. محەمەد خورشید بەرپرسێ لقێ سێ یێ پارتی دیموکراتی کوردستان ل کەرکووکێ بۆ روژناما ئەڤرۆ دیارکر، جھێن بەرپرس ب رەوشا کەرکووکێ ڤە کو گەھشتیە ڤێ قوناغێ ھێزێن عیراقی نە ل گەل ئەو لایەنێن رودانێن 16 ێ ئۆکتۆبەرێ دروستکری ئەو بەرپرسێن ئێکێ نە ل رەوشا نوکەیا ئالۆزا کەرکووکێ ،داخوازیا سەرەکیا جەماوەرێ کەرکووکێ ڤەگەریانا ھێزێن پێشمەرگەیە بۆ کەرکووکێ ژبەرکو پشتی رودانێن دوبزو دوز خۆرماتو حەویجە داقوق ھاولاتیێن وان دەڤەرا دخوازن ھێزەک وان بپارێزیت ب پراکیتیکی ژی دیاربۆیە پشتی سالا 2014 ێ ھێزێن پێشمەرگەی ب تنی بۆن ئەو دەڤەرو ھاولاتیی و سەرومالێن وان پاراستی لەوا داخوازایا ڤەگەراندنا ھێزێن پێشمەرگەی دکەن .
د. محەمەد خورشید دیارکر ژی ، بەرەیێ جەبھەیێ تۆرکمانی ل کەرکووکێ ئەجێندایەکا بیانی بجە دکەت لەورا دژی ژلایێ ھەمو خەلکێ کەرکووکێ دیاربۆیە کو ژبۆی پاراستنا کەرکووکێ وان قوربانیەک ژی نەدایە نوکە نەرازیبۆنا خوە نیشاندایە ب ڤەگەریانا ھێزێن پێشمەرگەی ب کەرکووکێ ل دەمێ پێشمەرگەی کەرکووک دپاراست بەرەیێ جەبھەیێ تورکمانی پشتەڤانیاپێشمەرگەی دکر نوکەژی دژی ڤەگەریانا پێشمەرگەیە بۆ کەرکووکێ ،چەکدارێن تیرورستی ب گشتی بۆینە مەترسی لسەر کەرکووکێ چەکدارێن داعش پشکەکن ل وێ مەترسیا ھێزێن چەکدار لسەر کەرکووکێ.