ل تورکیا شەش وه‌لاتیێن هه‌رێما كوردستانێ برینداربوون
ئەڤرۆ نیوز ، زنار تۆڤی:
د روودانەکا هاتنوچوونێدا ل پارێزگەھا مێردینێ یا باکورێ کوردستانێ شەش وەلاتیێن ھەرێما کوردستانێ بریندار بوون.
شەش وەلاتیێن هەرێما کوردستانێ ب ترۆمبێلەکا تایبەت کو تابلۆیا وێ یا پارێزگەھا ھەولێرێ یە، چووینە وەلاتێ تورکیا و ترۆمبێلا وان ل سەر رێیا جزیرا بۆتان و نسێبینێ وەرگەریایە و د ئەنجامدا شەش کەس تێدا بریندار بووینە، کو برینێن سێ ژ وان د گرانن.
د وێ روودانێدا بریندار بۆ نەخۆشخانێن جزیرێ و نسێبینی ھاتینه رەوانەکرن و د هەمان دەمدا پۆلیسێن تورکیا ل دۆر وێ روودانێ دەست ب ڤەکۆلینان کریە.