پارتی و ئێکەتی سوبەھی دێ کۆم بن
ئەڤرۆ نيوز:
بڕیارە مەکتەبا سیاسی یا پارتی دیمۆکراتی کوردستان و ئێکەتیا نیشتمانی کوردستان سوبەھی کۆم ببن.
ئاراس حەسۆ میرخان ئەندامی سەرکرداتیا پارتی دیمۆکراتی کوردستان ئەڤ چەندە دوپاتکر و گۆت:(جارەکا دی مەکتەبێن سیاسی یێن پارتی و ئێکەتیێ دێ کۆم بن، ھەروەسا ھەماھەنگیەکا باش د ناڤبەرا پارتی و ئێکەتیێ دا ھەیە و رەنگە کۆمبوونێن د ناڤبەرا وان ھەردو حزبان دا ببیتە حەفتیانە و بەردەوام دانوستاندنان ل سەر پێشھاتان بکەن).
ل گۆر زانیاریێن ئەڤرۆ پرۆژێ ھەڤپشکێ پارتی و ئێکەتیێ بۆ پشکداریکرنێ د حوکمەتا عیراقێ دا و پاکێچا ھەردو ئالیان بۆ مسوگەرکرنا مافێن دستووری و قانوونی یێن ھەرێمێ دێ د کۆمبوونێ دا ھێنە بەحسکرن و پشتی دھێتە پەسەندکرن، دێ وی پرۆژەی پێشکێشی ھەموو ئالیێن کوردستانی کەن.