ژ ئەگەرێ پەقینا مینەكی كه‌سه‌ك پێیەكی خوە ژ دەست ددەت
ئەڤرۆ نیوز، مەحمود نهێلی
ژ ئەگەرێ پەقینا مینەكی ل گوندێ سیتە یێ سەر ب دەڤەرا رێكان ل ناحیا شێلادزێ سپێدەیا ئەڤرۆ چارشه‌مبى 1/8/2018 كەسەك ب ناڤێ تەمەر حەجی سیتەی پێیەكی خوە ژدەست ددەت.
سامى رێكانى، كو ئێك ژ مرۆڤێن وى يه بۆ ئه‌ڤرۆنيوز گۆت” ته‌مه‌ر شڤانێ پەزی بوویە و ل دەمێ سپێدی پەزێ خوە بریە گوندی و ل دەوربەرێن گوندێ سیتە مینەك ل بن پێ وی د پەقیت و دبیتە ئەگەرێ ژ دەستدانا ئێك پێيه‌كێ وى”.
سامی دیاركر، هەموو دەمان تەمەر پەزێ خوە ل وان دەڤەران د چەراند، لێ دیارە هێشتا مینێن ل سەر دەمێ رژێما بەرێ یا عیراقێ ل وێ دەڤەرێ ماینە و ئاخ ل سەر چوویەو پەقیە ، و گۆت: ( پشتی روودانێ چەند كەسان گەهاندیە سەر جادێ و ئێكسەر هاتیە هنارتن بۆ نەخوه‌شخانا تەنگاڤیان ل دهۆكێ، لێ ب مخابنی ڤە پێیەكی خوە ژ دەست دا).
ناڤهاتی دیار ژی كر كو ل سالا بۆرى پسمامه‌كێ تەمەرى ژ ئەنجامێ بوردومانا فرۆكێن توركی شەهید بوویە و ئاماژه دا كو نوكە دەڤەرا وان و هەركەسەكی قەستا ڤێ دەڤەرێ دكەت ل ژێر مەترسیا مینێن رژێما بەرێ یا عیراقێ و فرۆكێن توركیا دایە.