ده‌ليڤا خواندنا ماسته‌رێ ل بريتانيا بێ به‌رامبه‌ر هاته ڤه‌كرن
ئه‌ڤرۆنيوز:
سكرتێرێ جڤاتا وه‌زيرێن هه‌رێما كوردستانێ دياركر كو ده‌ليڤا خواندنا ماسته‌رێ بێ به‌رامبه‌ر (زه‌ماله – سكۆله‌ر شيپ) بۆ سالا خواندنێ (2019 -20209 ل بريتانيا هاتيه ڤه‌كرن.
د. ئامانج ره‌حيم، سكرتێرێ جڤاتا وه‌زيرێن هه‌رێما كوردستانێ ل به‌رپه‌رێ خوه ل سه‌ر تۆرا جڤاكى يا فه‌يسبووكى به‌لاڤكر” ده‌رگه‌هێ پێشكێشكرنێ ل 6/8/2018 بۆ خواندنا ماسته‌رێ ل بريتانيا بێ به‌رامبه‌ر (زه‌ماله- سكۆله‌ر شيپ) هاته ڤه‌كرن كو ب رێيا پرۆژێ سكۆله‌ر شيپ چيڤينگ (IRAQ CHEVENING SCHOLARSHIPS) بۆ سالا خواندنێ (2019 – 2020) پێدڤيه ب رێيا لينكه‌كى ناڤ بهێته تۆماركرن (http://chevening.org/) وداخوازى ب رێيا ئۆنلاين بهێته پێشكێشكرن”.
سكرتێرێ جڤاتا وه‌زيرێن هه‌رێمێ دياركر ژى “مه‌رج نينه داخوازكه‌رى بۆ نوكه ئايلتس (IELTS) هه‌بيت، به‌لێ به‌رى ده‌ستپێكرنا خواندنێ پێدڤيه ب ده‌ست بهنێريت، بۆ ڤێ چه‌ندێ ژى ئێك سال ل به‌رده‌م داخوازكه‌رى يا هه‌ى تاكو بۆ خوه ئايلتس به‌رهه‌ڤ بكه‌ت وقوتابى دشێت سه‌ره‌دانا مالپه‌رێ چيڤينگ بكه‌ت ومه‌رجێن وه‌رگرتنێ دديار كرينه ودووماهى رۆژ بۆ پێشكێشكرنێ 6/11/2018 يه.