ئيران: مه هاش سه‌ره‌دانا عه‌بادى بۆ ئيرانێ نينه
ئه‌ڤرۆ نيوز:
ئاخفتنكه‌رێ ب ناڤێ وه‌زاره‌تا ژ ده‌رڤه يا ئيرانێ راگه‌هاند كو سه‌ره‌دانا عه‌بادى بۆ ته‌هران د كارنامێ كوچكا سه‌رۆكاتيا وه‌لاتى دا نينه.
به‌هرام قاسمى، بۆ ميديايێن وه‌لاتێ خوه راگه‌هانديه، ئه‌وان چو ئاگه‌هى نينه ل سه‌ر سه‌ره‌دانا حه‌يده‌ر عه‌بادى، سه‌رۆك وه‌زيرێن عيراقێ بۆ ئيرانێ و كۆمبوونا ل گه‌ل حه‌سه‌ن رۆحانى يێ سه‌رۆك كۆمار.
ئاماژه ب وێ چه‌ندێ ژى كر كو ب چو ره‌نگه‌كى سه‌ره‌دانا عه‌بادى بۆ ته‌هران د كارناما كۆچكا سه‌رۆكاتيا وه‌لاتى دا نينه.
شه‌ڤا بۆرى نڤيسينگه‌ها حه‌يده‌ر عه‌بادى و ميديايا عيراقێ به‌لاڤكريه كو سه‌رۆك وه‌زيرێن عيراقێ رۆژا سێشه‌مبى 14ى ته‌باخێ سه‌ره‌دانا ته‌هرانێ دكه‌ت و بابه‌تێ سزايێن سه‌ر ئه‌مريكا بۆ سه‌ر ئيرانێ و ل گه‌ل به‌رپرسێن بلندێن وى وه‌لاتى گه‌نگه‌شه دكه‌ت.