2011 زارۆيێن بێ باب يێن دهۆكێ دێ پتر ژدو مليۆن دۆلاران وهرگرن
ئه‌ڤرۆنيوز:
ده‌زگه‌هێ خێرخوازيێ بارزانى وهه‌يڤا سوور يا ئيماراتى سوباهى دوشه‌مبى 13/8/2018 دێ گۆژمێ پتر ژ هه‌شت مليۆن وپێنج سه‌د هزار دۆلاران ل سه‌ر 10 هزار و714 زارۆيێن بێ باب ل هه‌رێما كوردستانێ به‌لاڤ كه‌ن.
سوباهى ل ده‌مژمێر 2 پشتى نيڤرۆ، ل دووڤ مالپه‌رێ كوردستان تى ڤى، ل هۆلا پێشه‌وا ل باژێرێ هه‌ولێرێ، ده‌زگه‌هێ خێرخوازيێ بارزانى ل گه‌ل هه‌يڤا سوور يا ئيماراتى درێ وره‌سمه‌كى دا دێ هاريكاريێن قۆناغا (2016 -2017) كو گوژمێ (8،523،66،484) دۆلارن دێ ل سه‌ر 10 هزار و714 زارۆيێن بێ باب ل هه‌رێما كوردستانێ به‌لاڤ كه‌ن كو شێوێ به‌لاڤكرنێ ل دووڤ باژێرانه وهژمارا مفاداران كو ب رێيا ئۆفيسێن ده‌زگه‌هێ خێرخوازيێ بارزانى دهێنه ب رێڤه‌برن دێ ب ڤى شێوه‌ى بيت:
- باژيرێ هه‌ولێرێ و ده‌وروبه‌رێن وى (3200) زارۆيێن بێ باوب دێ گۆژمێ 2.341.671 دۆلاران وهرگرن.
- باژێرێ سلێمانيێ و ده‌وروبه‌رێن وى(2872) زارۆيێن بێ باب دێ گۆژمێ 1،572،671 دۆلاران وهرگرن.
- باژێرێ كه‌ركووكێ ـ ئیدارا گه‌رمیان و ده‌وروبه‌ران دێ (2631)زارۆيێن بێ باب گۆژمێ 2،070،909 دۆلاران وهرگرن.
- باژێرێ دهۆكێ و ده‌وروبه‌رێن وێ دێ (2011) زارۆيێن بێ باب گۆژمێ 2،300،021 دۆلاران وهرگرن.
