ژبه‌ر شه‌رێ چه‌قۆيان 34 كه‌س هاتينه ڤه‌گوهاستن بۆ نه‌خوه‌شخانێ
ئه‌ڤرۆنيوز:
ل رۆژێن جه‌ژنا قوربانى يا پيرۆز ل باژێرێ سلێمانيێ ژئه‌گه‌رێ شه‌رێ چه‌قۆيان 34 كه‌س ب بريندارى هاتينه ڤه‌گوهاستن بۆ نه‌خوه‌شخانا هاوارهاتنێ ل سليمانيێ ودو كه‌سان ژى گيان خوه ژده‌ست دا.
سه‌باح هه‌ورامى، رێڤه‌به‌رێ گشتيێ ساخله‌ميا پاريزگه‌ها سليمانيێ، ئه‌ڤرۆ ئه‌ينيێ 24/8/2018 راگه‌هاند” دده‌مێ سێ رۆژێن بۆرى ژ جه‌ژنا قوربانى وژئه‌گه‌رێ شه‌رێ چه‌قۆيان 34 كه‌س هاتينه هنارتن بۆ نه‌خوه‌شخانه‌يان “.
ناڤبرى زێده‌تر بۆ وشه گۆت” 31 كه‌س ژى ژئه‌گه‌رێ كه‌فتنا خوارى وروودانێن دى يێن هاتينه هنارتن بۆ نه‌خوه‌شخانه‌يان، دو كه‌س ژى ب فيشك وته‌قه‌مه‌نيێ يێن بريندار بووين”.
ئاماژه دا ژى” 38 كه‌س ژبه‌ر روودانێن هاتنوچوونێ هاتينه هنارتن بۆ نه‌خوه‌شخانا هاوارهاتنێ ودو كه‌سان ژى ژ ئه‌گه‌رێ روودانێن هاتنوچوونێ گيانێ خوه ژده‌ست دايه”.
