سێ سیناریۆ بۆ پێكئينانا حوكمه‌تا عيراقى يێن هه‌ين
ئه‌ڤرۆنيوز:
شارازايه‌كێ سياسى يێ عيراقى به‌حسێ سێ سيناريۆيان دكه‌ت بۆ پێكئينانا حوكمه‌تا عيراقى يا نوو ودبێژيت، ئه‌گه‌رێ وێ چه‌ندێ يا هه‌ى كو سيناريۆيا سيێ ب فشارا ده‌رڤه بيت.
واسق ئه‌لهاشمى، شاره‌زايێ سياسى يێ عيراقى ل دۆر ئێكه‌مين كۆمبوونا په‌رله‌مانێ نوو يێ عيراقێ، راگه‌هاند” په‌رله‌مانتار دێ مه‌زنترين ئه‌ندام ژروويێ ژى ڤه وه‌كو سه‌رۆكێ په‌رله‌مانى به‌ربژاركه‌ن وئه‌وژى پشتى سويند خوارنێ كۆمبوونێ ب ڤه‌كرى بجه هێليت، چونكى بابه‌تێ هه‌رسێ سه‌رۆكاتيان (په‌رله‌مان، حوكمه‌ت، كۆمار) ژلايێ پێكهاتان ڤه نه‌هاتينه ئێكلاكرن”.
سه‌باره‌ت پێكئينانا حوكمه‌تا عيراقێ ژى، واسق ئه‌لهاشمى بۆ سومه‌ريه نيوز گۆت” سيناريۆيا ئێكێ ئه‌وه ليستا فه‌تح وده‌وله‌تا قانوونێ ب راكێشانا كورد وسونه‌يان سه‌ربكه‌ڤن ومه‌زنترين هه‌ڤپه‌يمانى پێكبينن، سيناريۆيا دويێ ژى ئه‌وه به‌ره‌يێ دى يێ شيعى سه‌ربكه‌ڤيت ئه‌و ژى سائيرون ونه‌سر ونيشتمانيه وحيكمه نه”.
ئه‌لهاشمى وان هه‌ردو سيناريۆيان ب دوور دزانيت ودبێژيت” سيناريۆيا سيێ ئه‌گه‌رێ بجهئينانا وێ يا هه‌ى، ئه‌وژى ئه‌وه وه‌لاتێن ده‌رڤه مالێن سونه‌يان وشيعان وكوردان هه‌ر ئێك جودا رێكبێخن وڤه‌گه‌رنه خالا ده‌ستپێكێ ئانكو حوكمه‌تا هه‌ڤپشكيا نيشتمانى بهێته پێكئينان بێ هه‌بوونا ئۆپۆزسيۆنێ”.
