نێزیكی 45 هزار قوتابیان ده‌ست ب ئه‌نجامدانا ئه‌زموونێن خولا دویێ كرن
ب مه‌ره‌ما دویڤ چونا ره‌وشا قوتابیان ده‌مێ ئه‌زمونێن گشتی یێن خولا دووێ (2017و2018) ئه‌نجامده‌ن ئه‌ڤرو سپێدێ 27-8-2018 ماجد سه‌ید صالح جێگرێ پارێزگه‌رێ دهوكێ ب وه‌كاله‌ت وعمر علی ته‌ها رێڤه‌به‌رێ گشتی یێ په‌روه‌ردێ ل پارێزگه‌ها دهوكێ ورێڤه‌به‌رێ په‌روه‌ردا روژئاڤا وچه‌ند سه‌رپه‌رشتێن په‌روه‌رده‌یی سه‌را چه‌ند هول وبنگه‌هێن ئه‌نجامدانا ئه‌زمونێن گشتی ونیشتمانی خولا دووێ یێن دوازدێ ئاماده‌یی ونه‌هێ بنه‌رتی دا وژنێزیك هایداری ره‌وشا قوتابییان بون ده‌مێ وان ئه‌زمونا ئه‌نجامدان.
جێگرێ پارێزگه‌رێ دهوكێ ب وه‌كاله‌ت و رێڤه‌به‌رێ گشتی یێ په‌روه‌ردێ ل پارێزگه‌هێ ده‌ست خوشی ل هه‌موو سه‌رپه‌رشت وماموستا وكارمه‌ندا كر یێن به‌رهه‌ڤی كرین بو ئاماده‌كرنا بنگه‌ه وهولێن ئه‌نجامدانا ئه‌زمونان هه‌روه‌سا سه‌ركه‌فتن بو هه‌موو قوتابیێن پشكدار خواست.
هه‌ژی گوتنێ یه رێڤه‌به‌ریا گشتی یا په‌روه‌ردێ ب هه‌ڤكاری دگه‌ل فه‌رمانگه‌هێن دی یێن په‌یوه‌ندیدار كاره‌با به‌رده‌وام بو روناهیێ وته‌زاندنێ هه‌روه‌سا ئامیره‌تێن قوتكرنا هێلا ئه‌نترنێتێ ل ناڤ هه‌موو هولا داناینه بو وێ یه‌كێ قوتابی دسه‌قایه‌كێ سروشتی دا ئه‌زمونێن خو ئه‌نجامده‌ن .
ئه‌و بنگه‌ه وقوتابخانێن سه‌ره‌دانا وان هاتیه كرن ئه‌ڤه بوون (ئاماده‌یا هه‌سار یا كچان – ئاماده‌یا چیا یا كوران – بنگه‌هێن سه‌یران و ڤه‌رێژ – و پێل وسپیرێز).
دڤان ئه‌زمونان دا (29415) قوتابیێن دوازدێ ئاماده‌یی ل قوناغێن زانستی و وێژه‌یی هه‌روه‌سا (15234) قوتابی یێن قوناغا نه‌هێ بنه‌رتی دێ پشكداربن و(569) بنگه‌ه ل سه‌رانسه‌ری پارێزگه‌هێ بو ئه‌نجامدانا ئه‌زمونان هاتینه ئاماده‌كرن.
