سزایێ مامۆستایێن ھاتینە سزادان ھاتە ھەلوەشاندن
ئەڤرۆ نيوز:
سەرۆکێ ئێکەتیا مامۆستایێن کوردستانێ بۆ رۆژناما ئەڤرۆ دیار کر کو ئەو مامۆستایێن د چەند سالێن بۆری دا ژ بەر بایکۆتا ھۆلێن خواندنێ ھاتینە سزادان، سزایێ وان ھاتە ھەلوەشاندن و دێ قەرەبوویا وی پارەی ھێتەکرن یێ کو ژ بەر مووچێ وان ھاتیە بڕین.
ئەحمەد گەرمیانی، سەرۆکێ ئێکەتیا مامۆستایێن کوردستانێ ئاشکرا کر کو ژ ئەگەرێ کێمکرن و گیرۆبوونا مووچەی د چەند سالێن بۆری دا، مامۆستایێن ھندەک دەڤەرێن ھەرێما کوردستانێ بایکۆتا ھۆلێن خواندنێ کربوو و ژ بەر ڤێ چەندێ ژی ھندەک ژ وان مامۆستایان ھاتبوونە سزادان و ب نەھاتی تۆمارکربوون کۆژمەکێ پارەی ژێ ھاتبوو بڕین.
ناڤھاتی ئاماژە دا وێ چەندێ کو پشتی بزاڤ ھاتینەکرن ب ھاریکاریا لایەنێن پەیوەندیدار، سزایێ وان مامۆستایێن ھاتینە سزادان ھاتە ھەلوەشاندن و گۆت: “ئەو کۆژمێ پارەی یێ ژ بەر سزادانێ ژێ ھاتیە وەرگرتن دێ ھێنە قەرەبووکرن و پارێ وان دێ بۆ ھێتە زڤراندن
