ترامپ هوشداریێ ده‌دته فه‌یسبووكى و تویته‌رى و گووگلى
ئه‌ڤرۆنیوز:
سه‌رۆكی ئه‌مه‌ریكا دونالد ترامپ داخواز ژ تۆرێن جڤاكى وه‌كو فه‌یسبووك، تویته‌ر وگووگل دكه‌ت، ب هشیارى ره‌فتارێ ل گه‌ل خه‌لكى بكه‌ن وبێ لایه‌نیا خوه یا سیاسى بپارێزن.
ترامبپى بۆ رۆژنامه‌ڤانان گۆت” ب دیتنا من ئه‌وا گووگل وهه‌ڤشێوه‌یێن وێ دكه‌ن، ب پێبینیكرن ژ ئه‌وا ل تویته‌رى وفه‌یسبووكى روو دده‌ت، ئاسایى نینه ونابیت ب وى شێوه‌ى ره‌فتار ل گه‌ل وه‌لاتیان بهێته كرن.
ل دووڤ ئاژانسا رویته‌رز یا ده‌نگوباسان، ترامپى دیاركر كو گووگل وتویته‌ر وفه‌یسبووك ده‌ست دبواره‌كێ هه‌ستیار ئێكجار مه‌ترسیدار وه‌ردكه‌ن وپێدڤیه دهشیار بن، چونكى ئئه‌وا ئه‌و دكه‌ن، بۆ ته‌خه‌كا زۆر یا وه‌لاتیان كاره‌كێ ئاسایى نینه.
پێشتر ژى ترامپ ژكاركرنا گووگلى یێ رازى نه‌بوو وتۆمه‌تبار كربوو ب یاریێ ب ئه‌نجامێن لێگه‌ریانێ دكه‌ت وراگه‌هاندبوو، پتریا وان لینكێن گووگل دئێخیته به‌ر ده‌ستێ بكارئینه‌ران، دژى سیاسه‌تێن ترامپى نه وئه‌و لینكێن پشته‌ڤانیا وى وكۆماریان دكه‌ن، گهووگل دڤه‌شێریت.
هه‌روه‌سا ترامپى تۆمه‌تا كپكرنا ده‌نگێ پارێزگه‌ران ژى ئاراسته‌ى كۆمپانیا گووگلى كر.
ژ لایێ خوه‌ڤه گووگلى هه‌موو تۆمه‌تێن ترامپى ره‌تكرن وراگه‌هاند” رێزبه‌ندا لێگه‌ریانێ وبه‌رده‌ستكرنا لینكان په‌یوه‌ندى ب سیاسه‌تێ ڤه نینه”.
