خامنه‌ئى: دانوستاندن ل گه‌ل ئه‌مريكا مومكين نينه
ئه‌ڤرۆ نيوز:
د کۆمبوونەکێ عەلی خامەنەئی رێبەرێ بلندێ کۆمارا ئیسلامی یا ئیرانێ ل گەل رۆحانی و حوکمەتا ئیرانێ داخواز ژ سەرۆک کۆمار و حوکمەتێ کر کو ئێدێ ئەو چاڤەرێ ناکەن ئورۆپی ل ھەڤھاتنا ئەتۆمی رزگار بکەن. تەکەز ژی ل سەر وێ چەندێ ژی کر کو د ڤێ رەوشا نھا دا دانوستاندن ل گەل ئەمریکا مومکین نینە.
خامەنەئی پێداگری ل سەر وێ یەکێ کر کو ل پێکھاتن ئارمانج نینە، بەلێ ئامرازە ژبۆ پاراستنا بەرژەوەندیێن نشتیمانی یێن ئیرانی ئەو یەک ژی خۆیا کر کو ئەوێن خوە ل ھەڤھاتنا ئەتۆمی ڤەدکێشن ھەکە بەرژەوەندیێن وان نەھێنە پاراستن.
رێبەرێ بلند یێ کۆمارا ئیسلامی یا ئیرانی داخواز ژ حوکمەتێ کر کو ب گۆمان و ھوشیاری ڤە سەرەدەریێ ل گەل سۆزێن ئورۆپا و پێکھاتنێ بکەت.
خامنەئی ئەو ئێک ژی گۆت: “بەرسینگگرتنا بەردەوامبوونا دانوستاندنان ب ئورۆپا ناکەین، بەلێ نابیت کو د ھەموو پرسان دا، پشتا خوە ب ئورۆپا گەرم بکەن”.
ژ لایێ خوە ڤە رۆحانی تەکست ل سەر وێ چەندێ کر کو د رەوشا نھا دا تو چارەسەریەکا سیاسی ل گەل واشنتۆن د رۆژەڤێ دا نینە، ژ بەر کو ئەو پێگریێ ب سۆزێن خوە ناکەن.
