ترامپ:سياسه‌تا نوو يا ئه‌مريكا دژى ئيرانێ دێ حوكمه‌تا وێ ژناڤ به‌ت
ئه‌ڤرۆنيوز:
سه‌رۆكێ ئه‌مريكا دونالد ترامپ دديداره‌كێ دا ل گه‌ل ئاژانسا بلۆمبێرگ ئه‌ڤرۆ ئه‌ينيێ 31/8/2018 راگه‌هاند، نوكه ئه‌گه‌رێ ژناڤچوونا حوكمه‌تا كۆمارا ئيسلامى يا ئيرانى يا هه‌ى، ژئه‌گه‌رێ سياسه‌تا توند يا ئه‌مريكا دژى ئيرانێ.
ترامپى زێده‌بارى به‌حسكرنا خوه‌ڤه‌ێشانا ئه‌مريكا ژ رێككه‌فتنا ئه‌تۆمى ل گه‌ل ئيرانێ، گۆت ژى” په‌يره‌وكرنا ڤێ سياسه‌تا مه ئه‌گه‌رێ ژناڤچوونا حوكمه‌تا ئيرانێ ب له‌زتر دكه‌ت”.
گۆت ژى” ده‌مێ هاتيمه سه‌ر ده‌ستهه‌لاتێ ل كۆچكا سپى، ئه‌ڤ پرسياره ل سه‌ر مێزا من بوو كا ئايا كه‌نگى دێ ئيرانى ده‌ست ب سه‌ر هه‌موو رۆژهه‌لاتا ناڤه‌راست دا گرن، به‌لێ نوكه ئه‌ڤ پرسياره يا دهێته كرن ئه‌وژى ئايا ئيرانى هه‌تا كه‌نگى دێ شێن خورابگرن ودده‌ستهه‌لاتێ دا بمينن؟”.
سه‌رۆكێ ئه‌مريكى دياركر ژى كو ئيدارا وى دده‌مێ تنێ 18 هه‌يڤان دا شيا وێ جوداهيێ ب خولقينيت.
