گۆمان ل هه‌بوونا 11 هزار چه‌كدارێن وه‌همى دناڤ حه‌شدا شه‌عبى دا دهێته كرن
ئه‌ڤرۆنيوز:
چه‌ند ده‌زگه‌هێن راگه‌هاندنێ ل عيراقێ ژزارده‌ڤێ هنده‌ك ژێده‌رێن نێزيك ژ حه‌يده‌ر عه‌بادى سه‌رۆك وه‌زيرێن عيراقێ، ئاماژێ دده‌ن كو نهێنيێن مه‌زن ل پشت لادانا فالح فه‌يازى دا هه‌نه كو به‌رى چه‌ند رۆژان ژلايێ عه‌بادى ڤه هاتبوو دوورخستن ژ سه‌رۆكاتيا ده‌سته‌يا حه‌شدا شه‌عبى.
دياركرن ژى كو دو نڤيسارێن فه‌رمى كو ئێك ژ نڤيسينگه‌ها سه‌رۆك وه‌زيران ويا دى ژ وه‌زاره‌تا دارايى يا عيراقێ، تێدا هژماره‌كا مه‌زن يا چه‌كدارێن وه‌همى دناڤ حه‌شدا شه‌عبى دا ئاشكرا دكه‌ن.
ل دووڤ به‌لگان هژماره‌كا مه‌زن يا ناڤێن نه‌ديار بۆ ليستا مووچێ حه‌شدا شه‌عبى وده‌زگه‌هێ ئاسايشا نيشتمانى كو هه‌ر فالح فه‌ياز سه‌رۆكێ وى ده‌زگه‌هى ژى بوو، هاتبوو زێده‌كرن دناڤبه‌را سالێن 2007 بۆ 2016 كو چو هه‌بوون بۆ وان ناڤان نينه.
