سەرۆکێ باژێرڤانیا ئاکرێ: ھەموو تاخێن ئاکرێ پێدڤی ب نووژەنکرن و چێکرنێ نە

ئه‌ڤرۆ نيوز:

سەرۆکێ باژێرڤانیا قەزا ئاکرێ بۆ رۆژناما ئەڤرۆ دیار کر کو قەزا ئاکرێ ژ 47 تاخان پێک دھێت، پشتی قەیرانێ ئەو کارێ خوە ل سەر پێشینەیێ ب رێڤەدبەن و گۆت: “بەھرا پتر ئەم کاری د وان تاخان دا دکەین یێن کو زێدە پێدڤی ب نووژەنکرن یان چێکرنێ ھەی”.

بلند رەزا زێباری، سەرۆکێ باژێرڤانیا قەزا ئاکرێ دیار کر کو بۆدجە وەکو پێدڤی ل بەر دەستێ وان نینە کو پێ بشێن تاخێن نوو چێکەن، بەلێ سەرەرایی ڤێ چەندێ وان سولینێن تاخێن نوو چیکرینە و جادێن وان تێکەلکرینە و گۆت: “باژێرڤانیێ پلانێن گەلەک باش ھەبوون، لێ مخابن ژ بەر قەیرانا دارایی یا سەر ب ھەرێمێ دا ھاتی ئەو پلان ھاتە پاشخستن و ھندەک پرۆژە ب نیڤەرۆ ماینە و نەھاتینە تۆمارکرن”.

ناڤھاتی ئاماژە دا وێ چەندێ کو 80 ھزار مەترێن چارگۆشە ژ تاخێن کەڤنێن ئاکرێ پێدڤی ب نووژەنکرنێ نە و سەرەریی ڤێ چەندێ 100 ھزار مەترێن جادان ل ناخێن نوو یێن ئاکرێ پێدڤی ب قرکرن و کونکریتکرنێ نە.

کۆمێنتا تە