ته‌كه‌زی ل خورتكرنا په‌یوه‌ندیێن كوردستانێ و چینێ دهێته كرن
ئه‌ڤرو پشتی نیڤرو 12-9-2018 ل كوچكا مێهڤانداریا فه‌رهاد ئه‌مین ئه‌تروشی پارێزگه‌رێ دهوكێ پێشوازیا به‌رێز(نی روتش) كونسلێ گشتی یێ وه‌لاتێ چینێ ل هه‌رێما كوردستانێ وشاندێ دگه‌لدا كر.
د هه‌ڤدیتنه‌كێ دا به‌حسێ ره‌وشا پارێزگه‌ها دهۆكێ و په‌یوه‌ندیێن هه‌رێما كوردستانێ وده‌وله‌تا چینێ نه‌خاسمه دبیاڤێ ئابوری وبازرگانی وبه‌رهێنانێ دا ب گشتی هاته كرن.
دته‌وه‌ره‌كێ دن دا به‌حسێ كارێ نوو یێ كونسلێ وه‌لاتێ چینێ ل كوردستانێ وچاوانیا خورتكرنا هه‌موو ره‌نگێن په‌یوه‌ندیان دگه‌ل هه‌رێمێ هاته كرن.
پارێزگه‌رێ دهوكێ خوشحالیا خو ب سه‌ره‌دانێ دیاركر و پیروزباهیا كونسلێ وه‌لاتێ چینێ كر هه‌مبه‌ر كارێ وی یێ نوو ل هه‌رێما كوردستانێ وداخازا سه‌ركه‌فتنێ بو كر،هه‌روه‌سا خواست كو كونسلێ چینێ هاندانا كومپانی وبه‌رهێنانێن چینی بكه‌ت كوقه‌ستا هه‌رێمێ ب گشتی وپارێزگه‌ها دهوكێ ب تایبه‌تی بكه‌ن وپروژان لێ ئه‌نجامده‌ن وبه‌رهه‌ڤیا كارگێریا پارێزگه‌هێ نیشان دا بو هه‌ر ئاسانكاریه‌كێ .
