وه‌زاره‌تا كاره‌بێ رۆهنكرنه‌كێ به‌لاڤ دكه‌ت
ئه‌ڤرۆنيوز:
وه‌زاره‌تا كاره‌بێ ل هه‌رێما كوردستانێ ل دۆر ئاسايى بوونا ره‌وشا كاره‌بێ وئه‌و به‌رنامێ كونترۆلا كاره‌با هه‌رێمێ بۆ به‌لاڤكرنا كاره‌بێ داناى دڤێ هه‌يڤێ دا، رۆهنكرنه‌ك ده‌ركر.په‌يڤدارێ وێ وه‌زاره‌تێ ژى چه‌ندپێزانينه‌ك ل دۆر ئه‌گه‌رێ ئاستێ كێمبوونا به‌رهه‌مئينانا ويستگه‌هان بۆ ژڤانه‌كێ ده‌مكى ئاشكرا دكه‌ت وديار دكه‌ت كو كێشه يا هاتيه چاره‌سه‌ركرن.
رۆژا 12 ڤێ هه‌يڤێ رێڤه‌به‌ريا گشتى يا كاره‌با سلێمانيێ دئاگه‌هداريه‌كێ دا به‌لاڤكربوو كو بۆ ماوه‌يه‌كێ ده‌مكى ژبه‌ر كارێ نووژه‌نكرنا ئاسايي يا كۆمپانيا داناغاز وهاتنا خوار يا به‌رهه‌مئينانا غازێ، ئاستێ كاره‌بێ ل ويستگه‌هان كێمكربوو وژئه‌گه‌رێ وێ چه‌ندێ به‌رنامێ كاره‌با نيشتمانى وه‌كو خوه نه‌هاتيه بجهئينان.
محه‌مه‌د ئه‌مين هه‌ورامى، په‌يڤدارێ وه‌زاره‌تا كاره‌بێ ل هه‌رێما كوردستانێ، ل دووڤ كوردستان تى ڤى، راگه‌هاند” دروستبوونا كێشا كێمبوونا به‌رهه‌مئينانا كاره‌بێ ل ويستگه‌هان تنێ بۆ ده‌مه‌كێ كێمبوو، تێسته‌ك ل ويستگه‌هێن به‌رهه‌مئينانێ هاته ئه‌نجامدان، چونكى هنده‌ك كێشه دبوريێن به‌رهه‌مئينانا ويستگه‌هێ دا هه‌بوو”.
ئاماژه كر ژى” پشتى هاتيه دروستكرت، بۆ وێ چه‌ندێ پشت راست بن كو ب باشى هاتيه دروستكرن، تێستا بۆريێ هاته كرن وفشارا كاره‌بێ هاته بلندكرن وژبه‌ر وێ چه‌ندێ به‌رهه‌مێ كاره‌با ويستگه‌هان هاته كێمكرن”.
گۆت ژى” پشتى وێ تێستێ، چو كێشه‌ك نه‌بوو، له‌وما نوكه دانا كاره‌با نيشتمانى ژى يا ئاسايى بووى وئه‌و به‌رنامێ هاتيه دانان، دێ وه‌كو خوه هێته بجهئينان”.
