هاتيه نووكرن: شه‌رێ ل سه‌ر سه‌نته‌رێ قه‌زا شنگال يێ به‌رده‌وامه
ئەڤرۆ نیوز، لەزگین جۆقی:
قاسم سمێر ل بەروكێن شەری بۆ ئەڤرۆ نیوز دیارکر کو ژ ھەموو میحوەران ھێرش بۆ سەر شنگال دەستپێکر و ھەتا سوبەھى سپێدێ دێ شنگال ب تەمامێ ژبن کونترۆلا ھێزێن پێشمەرگه‌يى دا بیت
قاسم سمیر پێشمه‌رگێ پارتى ديموكراتى كوردستان ل سه‌رێ چايێ شنگال گۆت: “کا چاوا خەلکێ شنگال ژ بەر تیرورستان رەڤین، نوکە تیرورست وەسا ژ بەر پێشمەرگه‌يى یێن درەڤن”.
زێده‌تر گۆت: “نوکە ل حەردان و خانەسور و زۆراڤا و بۆرک و دۆریانا دھولا ھەموو دەڤەرێن د دەستێن پێشمەرگه‌يى دا و ژ لایی رەبیعە ژى پێشمەرگێ کوردستانێ يێ به‌ر ب شنگال دهێت و ھێرشا سەر شنگال ژى دەستپیکریە، ل ھەموو میحوەران پیشمەرگێ کوردستانێ یێ د پیشڤەچوونێ دا، تیرورست یێ درەڤن و فرۆکێن ھەڤپەیمانان ژی بەردەوام يێ بارەگایێن تیرورستان ژ ناڤ دبەن و تیرورست نەمان و شنگال دێ ھەتا سوبەھێ سپێدی يا ئازاد کرى یبت”.