دو كه‌سايه‌تيێن سونه ژ وه‌رگرتنا پۆستێ سه‌رۆكاتيا په‌رله‌مانى نێزيك بووينه
ئه‌ڤرۆنيوز:
ئه‌ندامه‌كا په‌رله‌مانێ عيراقێ ژ ليستا نيشتمانى راگه‌هاند، پرسا هه‌ڤركيێ ل سه‌ر پۆستێ سه‌رۆكاتيا په‌رله‌مانى ناكۆكى نينه دناڤبه‌را ليستێن سونى دا، له‌كو هه‌ڤركيه‌كا ئاسايى يه وبه‌ربژاركرن بۆ وى پۆستى مافێ هه‌موويانه، به‌لێ گرێداى ل هه‌ڤهاتنێ يه ل گه‌ل ليستێن دى ودێ رێككه‌فتنه‌كا سياسى هه‌بيت بۆ ئێكلاكرنا به‌ربژاره‌كى,
ئينتيسار جبوورى، په‌رله‌مانتارا عيراقێ ژ ليستا نيشتمانى ب سه‌رۆكاتيا ئه‌ياد عه‌لاوى بۆ ئه‌ڤرۆنيوز گۆت”دانوستاندن دبه‌رده‌وامن دناڤبه‌را ليستێن سونى دا وب ديتنا من ئه‌ڤرۆ ئه‌ينى دێ يا ئێكلاكه‌ر بيت بۆ دياركرنا تنێ دو به‌ربژاران ژ سه‌رجه‌مێ 9 به‌ربژاران وپێشبينيێ دكه‌م هه‌ڤركى دناڤبه‌را محه‌مه‌د حه‌لبوسى وئوسامه نوجێفى دێ هيته كرن وپاشى ب رێيا ده‌نگدانه‌كا نهێنێ دێ ئێك ژوان هێته هه‌لبژارتن وه‌كو به‌ربژارێ سونه‌يان بۆ سه‌رۆكاتيا په‌رله‌مانێ عيراقێ”.
گۆت ژى” سوباهى شه‌مبيێ 15/9/2018 په‌رله‌مان دێ روونشتنا خوه كه‌ت بۆ هه‌لبژارتنا سه‌رۆكێ په‌رله‌مانى وڤێ چه‌ندێ پێدڤى ب ل هه‌ڤهاتنا نه تنێ ليستێن سونى، به‌لكو پێدڤيه ليستێن شيعى وسونى وكوردى ل سه‌ر به‌ربژارێ وى پۆستى رێكبكه‌ڤن”.
