كۆمسیۆن: ده‌نگ ب ناسناما بارێ شارستانى ناهێته دان
ئه‌ڤرۆنيوز:
كۆمسيۆنا بلند يا هه‌لبژارتن وراپرسيێ ل هه‌رێما كوردستانێ دياركر كو پێدڤيه ده‌نگده‌ر ئێك ژسێ به‌لگه‌نامان ل گه‌ل خوه بينيت ل ده‌مێ ده‌نگدانێ ل هه‌لبژارتنێن په‌رله‌مانێ كوردستانێ بۆ سه‌لماندنا ناسناما خوه، دياركر ژى كو ده‌نگ ب ناسناما بارێ شارستانى ناهێته دان.
كۆمسيۆنا بلند يا هه‌لبژارتن وراپرسيێ ل هه‌رێمێ ئه‌ڤرۆ ئه‌ينيێ 14/9/2018 د رۆهنكرنه‌كێ دا راگه‌هاند” بۆ سه‌لماندنا ناسنامێ، پێدڤيه ده‌نگده‌ر ئێك ژڤان سێ به‌لگه‌نامێن فه‌رمى پێشكێش بكه‌ت ل ده‌مێ ده‌نگدانێ:
- كارتا نيشتمانى.
- ره‌گه‌زناما عيراقى.
- پاسه‌پۆرتا عيراقى كو ده‌مێ وێ ب سه‌رڤه نه‌چبيت.
كۆمسيۆنێ دياركر ژى كو پێدڤيه وێنێ خودانێ به‌لگه‌نامێ ل سه‌ر هه‌بيت.
ئاشكرا كر ژى” ده‌نگ ب ناسناما بارێ شارستانى ناهێته دان”.
