“فره‌نسا به‌رده‌وام دێ پشته‌ڤانا گه‌لێ كورد و كوردستانێ بیت”
ئه‌ڤرۆ نیوز:
ئه‌ڤرو ئێڤاری 18/9/2918 فه‌رهاد ئه‌مین ئه‌تروشی پارێزگه‌رێ دهوكێ پێشوازیا سیناتورا فره‌نسی (جاكلین دیرومیدی ) و شاندی دگه‌لدا كر ,
دهه‌ڤدیتنه‌كێ دا ب ئاماده‌بونا به‌رێز( دومینیك) كونسلێ گشتی یێ وه‌لاتێ فره‌نسا ل هه‌رێما كوردستانێ به‌راهیێ پارێزگه‌رێ دهوكێ خوشحالیا خو ب سه‌ره‌دانا سیناتورا نافبری دیار بو پارێزگه‌ها دهوكێ و كورتیه‌ك دا سه‌ر پارێزگه‌ها دهوكێ ژ رویێ جوگرافی و پێكهاتیا وێ و دیار كر كو ژ بلی هه‌له‌بچه بچویكترین پارێزگه‌ها هه‌رێما كوردستانێ دهوكه
هه‌روه‌سا ئاماژه كره وێ چه‌ندێ كو ل پارێزگه‌ها دهوكێ هژماره‌كا زور یا كه‌مپێن ئاواره و په‌نابه‌رێن كوردێن سوری هه‌نه و پارێزگه‌هادهوكێ ل شه‌رێ تیروستێن داعش هه‌می ده‌رگه‌هێن خو بو ئاوارێن شنگارو ده‌شتا نه‌ینه‌وا ڤه‌كرن و ب هزاران خه‌لكێ ڤان ده‌ڤه‌را ژ ترسێن تیرورستێن داعش قه‌ستا پارێزگه‌هێ كر و هه‌می ب رێزگرتن ڤه ل كه‌مپا هاتینه ڤه‌حه‌واندن و هژماره‌ك دناف باژێرا دا ژیانا خو دبه‌نه سه‌ر و ئاماژه كره وان خزمه‌تێن به‌رده‌وام حكومه‌تا هه‌رێمێ ب هه‌فكاریا رێكخراوێن UN و خێرخازی بو ڤان ئاواره و په‌نابه‌را پێشكێش دكه‌ت ,
دلایه‌كێ دیێ هه‌ڤدیتنێ دا پارێزگه‌رێ دهوكێ سوپاسیا گه‌ل و حكومه‌تا فره‌نسا كر كو هه‌رده‌م پالپشت و پشته‌ڤانا گه‌لێ كورد و دوزا وان ره‌وایا وی بویه بگره ژ كوچكا ملیونێ یا 1991 و تا 2018 ێ كو ب پشته‌ڤانیا فره‌نسا جاره‌كا دی هه‌رێما كوردستانێ پێگه‌هێ خو یێ به‌رێ زڤرۆانده ڤه و بهێز كه‌ت .
ژلاپێ خوڤه سیناتورا فره‌نسی جاكلین ده‌ست خوشی ل كارگێریا پارێزگه‌ها دهوكێ و حكومه‌تا هه‌رێمی كر بو وێ پشته‌ڤانیا مه‌زن یا ل هه‌می ئاوارا كری بیێ جوداهی و پارێزگه‌ها دهوكێ و هه‌رێما كوردستانێ بویه حه‌وانگه‌ها ئاوارێن شه‌رێ داعش ب هه‌می ئول و نه‌ته‌وه ڤه و بكاره‌كێ‌ً مروڤایه‌تیێ مه‌زن هژمارت ,
هه‌روه‌سا پشته‌ڤانی و پالپشتیا حكومه‌ت و گه‌لێ فره‌نسا بو هه‌رێما كوردستانێ و گه‌لێ كورد دوپاتكره ڤه و گوت فره‌نسا دێ به‌رده‌وام پشته‌ڤانا گه‌لێ كورد و هه‌رێما كوردستانێ بیت .
