نيمار ومبابى نه‌شيان سه‌ركه‌فتنێن لێڤه‌رپۆل راوه‌ستينن
ئه‌ڤرۆنيوز:
يانا لێڤه‌رپۆل يا ئينگليزى ل سه‌ر ياريگه‌ها خوه يانا باريس سان جيرمان يا فه‌ره‌نسى دچارچۆڤێ كۆما سيێ ژ خۆلا قاره‌مانێن ئورۆپا ل سه‌ر ياريگه‌ها خوه مێهڤانكر وسه‌ركه‌فتنه‌كا گرنگ ب ئه‌نجامێ 3-2 تۆماركر.
يانا لێڤه‌رپۆل ل خۆله‌كێن 31 و36 ب دو گۆلان پێشكه‌فت ب رێيا ياريكه‌رين خوه دانيێل ستوريدج وجيمس ميلنر، به‌لێ يانا فه‌ره‌نسى شيا ل خۆله‌كێن 40 و83 دۆ گۆلان تۆماركه‌ت ب رێيا توماس مونيێر وكيليان مبابى، به‌لێ يانا لێڤه‌رپۆل ل خۆله‌كا 91 شيا گۆلا سه‌ركه‌فتنێ ب رێيا ياكه‌رێ خوه يێ به‌رازيلى فيرمينيۆ تۆمار بكه‌ت.
يانا لێڤه‌رپۆل دڤى وه‌رزى دا شيايه پێنج سه‌ركه‌فتنان ل سه‌ر ئيك دخۆلا ئينگليزى دا تۆماربكه‌ت وب ڤێ سه‌ركه‌فتنێ دبيته سه‌ركه‌فتنا شه‌شێ د هه‌ر شه‌ش ياريێن خوه يێن ئێكێ دا ل ڤى وه‌رزى كو ئه‌ڤه ئێكه‌مين جاره لێڤه‌رپۆل دشه‌ش ياريێن ئێكێ دا ب سه‌رد كه‌ڤيت هه‌ر ژ سالا 1961.
