ب ڤیدیۆ: کەسوکارێن حەفت شەھیدێن شێلادزێ داخوازا قەرەبوویێ ژ تورکیا دکەن
ئەڤرۆ نیوز، نەوزاد ھلۆری:
ل رێکەفتی 20-9-2017 و د رۆژەکا وەکو ئەڤرۆ دا فرۆکێن تورکیا حەفت وەلاتیێن شێلادزێ و دێرەلرەلووک ل دەڤەرا نێروەورێکان شەھیدکرن، و کەس و کارێن وان داخوازێ ل حوکمەتا ھەرێما کوردستاندکەن کو گڤاشتنان لسەر تورکیا درۆست بکەن بو قەرەبوکرنا وان.
کەس و کارێن شەھیدێن ژلایێ فروکێن تورکیا کو پار سال د رۆژەکا وەکو ئەڤرۆ دا ھاتبونە چەھیدکرن ددەن دیارکرن کو قوربانیێن روودانێ بو مەرەما ماسیان و دەستکەفتنا پاریەکێ ژیانێ قەستا گوندێن خوە کرینە، و بەلێ بوینە ئارمانجا دەولەتا تورکیا و ھاتینە شەھیدکرن، و ئەو دخوازن کو ب زوترین دەم ژلایێ دەولەتا تورکیا بھێنە قەرەبووکرن و زێدەباری ڤێ یەکێ بوردومان ژی بھێنە راگرتن دااکو چوو کەسێن دن نەبنە قوربانی.
ئەڤ سالە فروکە و توپخانەیێن تورکیا 139 جاران سنوورێ دەڤەرا ئامێدیێ بوردومانکریە و د ئەنجام دا 11 شەھید و شەش بریندار ھەبوینە، و ملیونان دولار ژی ب رەز و بیستان و پوشت و پاوان و ژینگەھا دەڤەرێ گەیاندیە ، و رۆژ بو رۆژێ ژی بوردمان یا بەردەوامە.
