هه‌شت وه‌لاتان ناڤێ خوه بۆ چاڤدێريا هه‌لبژارتنان تۆمار كريه
ئه‌ڤرۆ نيوز:
شوره‌ش حه‌سه‌ن، رێڤه‌به‌رێ فه‌رمانگه‌ها په‌يوه‌ندى و راگه‌هاندنێ ل كۆمسيۆنا بلندا سه‌ربه‌خۆيا هه‌لبژارتن و راپرسيێ راگه‌هاند كو هه‌تا نوكه هه‌شت رێكخراوێن نێڤده‌وله‌تى و ناڤێ خوه تۆمار كريه بۆ چاڤدێريا هه‌لبژارتنان كو شه‌ش ژ وان “قونسلخانێن ئه‌مريكا، كه‌نه‌دا، بريتانيا، يابان، فره‌نسا و كۆريا باشوور”ن.
شوره‌ش حه‌سه‌ن دا زانين ژى كو 10 كه‌نالێن تله‌ڤزيۆنى و ئاژانسێن نووچه‌يێن ب ناڤوده‌نگ بۆ رووماكرنا ڤان هه‌لبژارتنان ناڤێ خوه تۆمار كريه: رۆيته‌رز، سكاى نيوز، ئێن بى ئێن، ئێس بى ئى و ئه‌رى بى ئێس ژ وان كه‌نالانن.
ب گۆره‌يى داتايێن كۆمسيۆنا بلندا سه‌ربه‌خۆيا هه‌لبژارتن و راپرسيێ ل هه‌رێما كوردستانێ سێ مليۆن و 85 هزار و 461 كه‌سان مافێ ده‌نگدانێ د هه‌لبژارتنێن په‌رله‌مانێ كوردستانێ دا هه‌يه، ژ وێ ژمارێ ژى دو مليۆن و 911 هزار و 313 كه‌سان مافێ پشكداريكرنێ د ده‌نگدانا گشتى دا هه‌يه.
هه‌ر ب گۆره‌يى ڤان داتايان د ده‌نگدانا تايبه‌ت ژى دا 174 هزار و 148 كه‌سان مافێ پشكداريكرنێ د هه‌لبژارتنێن تايبه‌ت دا هه‌يه.
ب ره‌نگه‌كێ گشتى ل سه‌رانسه‌رى هه‌رێما كوردستانێ نێزيكى 700 كه‌سان خوه به‌ربژار كريه و دێ هه‌ڤركيێ ل سه‌ر 113 كورسيێن په‌رله‌مانێ كوردستانێ كه‌ن.
