پڕۆفیسۆرەک: دیارکرنا بەربژێری سەرۆک کۆماری بێی پارتی شاشیەکا مەزن بوو ئێکەتیێ کری
ئەڤرۆ نیوز، قائید میرۆ:
مامۆستایەکێ زانکۆیێ ئاشکراکر، پۆستێ سەرۆک کۆمارێ عێراقێ مولکێ چو حزبەکا دیاریکری نینە و ئێکەتیێ شاشیەکا مەزنکر بێی پارتی دکتۆر بەرھەم سالح بەربژێرکری، ژبەرکو مەزنترین حزبا کوردستانیە.
پڕۆفیسۆر خەلیل ئیسماعیل بۆ نیۆز دیارکر” پێدڤیە ھەردو حزبێن سەرەکیێن ھەرێما کوردستانێ دناڤبەرا خوەدا بگەھنە رێکەفتنێ لدۆر بەربژێرەکی بۆ پۆستی سەرۆک کۆمارێ عێراقێ، چونکە پۆستێ سەرۆک کۆماری بەھرا ھەرێما کوردستانێ و ھەر کەسەکێ ئەڤی پۆستی وەر بگریت دێ نوونەرایەتیا عێراقێ و ھەرێما کوردستانێ بکەت، ئەڤەژی بابەتەکێ ھەستیار و گرنگە بۆ کوردان.
پرۆفیسۆر خەلیل ئیسماعیل ئاماژەکر” نابیت ئێکەتی بێی پارتی کەسەکی بکەتە بەربژێر بۆ وەرگرتنا پۆستێ سەرۆک کۆماری، ژبەرکو سەرۆک کۆمارێ مولکێ چو حزبەکا دیاریکری نینە و پارتی ژی زۆرترین کۆرسی ل ھەلبژارتنێن بۆری یێن پەرلەمانێ عێراقێ بدەستڤە ئیناینە و دانانا دکتۆر بەرھەم بێی وەرگرتنا بۆچوونا پارتی شاشیەکا مەزنبو ئێکەتیێ کری.