سوپرایزەک ب رێڤەیە… چامپیۆنزلیگا ئورۆپا دێ هێتە هەلوەشاندن
ئەڤرۆ نیوز:
لدووڤ هندەک زانیاریان، چەندین یانێن مەزن یێن جیهانێ رێككەفتنەک ئیمزاكریە بۆ ڤەكێشانێ ژ خولا یانێن قارەمانێن ئورۆپاو ڤەکرنا خولەکا تەپا پێ بناڤێ خولا سوپەرا ئورۆپی.
رۆژناما دێر شپێگل یا ئەلمانی دڤی باریدا زانیاری بەلاڤەکرینە و تێدا هاتیە رێككەفتنەك دناڤبەرا 16 یانێن مەزن یێن ئورۆپیدایە و لدووڤ وێ رێككەفتنێ، ئەو خولا نوو یا دێ هێتە ڤەکرن دێ ل سالا 2021 دەستپێکەت.
لدووڤ وێ رۆژنامێ، هەر ئێک ژ یانێن ریال مەدرید، بەرشەلۆنە، بایرن میونشن، یوڤانتۆس، مانچستەر ستی، مانچستەر یونایتد، پاریس سان جێرمان، ئەی سی میلان، چێلسی و ئەرسینال دێ ژ یانێن سەرەكی یێن وێ خولا نوو بن، هەروەسا یانێن ئەتلەتیكۆ مەدرید، بوروسیا دۆرتمۆند، مارسیلیا، رۆما و ئینتەرمیلان، دێ ژ وان یانان بن، كو ببنە مێهڤان د وێ خولێدا.
لدووڤ وێ رێكکەفتنێ، ئەو یانە ئێدی د چامپیۆنزلیگا ئورۆپیدا یاریێ ناكەن، یاکو ئێكەتیا تەپا پێ یا ئورۆپا وێفا ساز دکەت، هەروەسا ئاستەنگێن هەمبەر وێ خولێ ژی پارەنە و وان دڤێت دەستكەفتێن مادی یێن وێ خولێ بلند بکەن، بۆ هندێ کو وان یانان زێدەتر ژ وان خولان دەستبكەڤیت، یێن کو وێفا رێكدئێخیت.
ئیكەتیا تەپا پێ یا ئوروپی گۆژمەکی دیارکری یێ پاران ددەتە وان یانێن د خولێن وان دا پشکداریێ دكەن، ئەو ژی دێ لدووڤ ئەنجامێن وان بیت و هەموو گاڤا یانێن مەزن داخوازا زێدەکرنا وان دەستكەفتان دكەن ل هەمبەری پشکداریا وان.
