به‌له‌مه‌كا دى يا كۆچبه‌ران ل توركيا بن ئاڤ بوو
ئه‌ڤرۆنيوز:
ل كنارين باژێرێ ئه‌رده‌مل ل پارێزگه‌ها مێرسين يا توركى، به‌له‌مه‌ك كو كۆچبه‌رێن نه‌قانوونى هه‌لگرتبوو بن ئاڤ بوو و11 كه‌س رزگاربوون.
ل دووڤ پێزانينێن هنده‌ك ده‌زگه‌هێن راگه‌هاندنێ ل توركيا به‌لاڤكرين، نێچيرڤانێن ماسيان ل كنارين ده‌ڤه‌را كزكاله‌سى به‌له‌مه‌كا كۆچبه‌رێن نه‌قانوونى ديت كو بن ئاڤ بووى وئێكسه‌ر دهاوارا وان دچن.
پشتى ده‌نگوباسێن وێ روودانێ گه‌هشتينه تيمێن ئاسايشا كنارى، ده‌ست ب بزاڤا رزگاركرنا وان كه‌سێن كه‌فتينه دده‌رياى دا هاته كرن ودئه‌نجامدا 11 كه‌س هاتن رزگاركرن كو هه‌موو وه‌لاتيێن سوورى بوون. وهه‌تا نوكه تيمێن رزگاكرنێ دبه‌رده‌وامن ل سه‌ر لێگه‌ريانێن خوه.