بزانه د شه‌رێ دژى تیرورێ دا، ئیران دێ هه‌ڤكاریا هه‌رێمێ كه‌ت؟
ئه‌ڤرۆ نیوز:
سه‌رۆك بارزانى ل هه‌ولێرێ پێشوازیا عه‌لى لاریجانى سه‌رۆكێ جڤاتا شورا ئیسلامیا ئیرانى كر و سوپاسیا گه‌ل و حكومه‌تا كوماریا ئیسلامیا ئیرانێ كر كو د رۆژێن ته‌نگ دا پشته‌ڤان بوون و د شه‌رێ داعش ژى دا، هه‌ڤكار و پشته‌ڤانێن هه‌رێما كوردستانێ بوون.
سه‌رۆك بارزانى گۆت: شه‌رێ تیرورێ و گه‌فێن وێ، ئاماژه ب وێ یه‌كێ دا كو تیرو گه‌فه بۆ سه‌ر هه‌موو گه‌ل و وه‌لاتان و دڤێت بۆ دژایه‌تیكرنا تیرورێ هه‌ڤكاریا ئێك و دو بكه‌ین.
ژ ئالیێ خوه‌ڤه، لاریجانى گۆت: گه‌فێن تیرورێ زور د جدینه و هه‌موو لایه‌كێ دكه‌ته ئامانج و پێدڤیه ولاتێن ده‌ڤه‌رێ رۆلێ خوه د دژایه‌تیكرنا تیرورێ دا بگێرن و ئیران هه‌تا دووماهى هه‌ناسه دى د شه‌رێ دژى تیرورێ دا هه‌ڤكاریا هه‌رێمێ كه‌ت.
