جڤاتا نشتيمانى يا گۆڕان ئه‌ڤرۆ دێ كۆم بيت
ئه‌ڤرۆ نيوز:
جڤاتا نشتيمانى يا بزاڤا گۆڕان دێ كۆم بيت و بژاردێن پشكداريكرنا بزاڤێ د كابينا نوو يا حوكمه‌تا هه‌رێمێ دا يان بوونا وێ ب ئۆپۆزسيۆن دێ هێته به‌حسكرن هه‌ر وه‌كو ميديا گۆڕان به‌حسكرى.
كۆمبوونا جڤاتا نشتيمانى پشتى وێ چه‌ندێ دهێت كو رۆژا پێنجشه‌مبى جڤاتا گشتى كۆمبوويه و راسپاردێن خوه د ده‌رابه‌رى پشكداريكرن د حوكمه‌تێ دا يان ژى بوونا وێ ب ئۆپۆزسيۆن به‌حسكريه و ئاراسته‌ى جڤاتا گشتى كريه.
پشتى كۆمبوونا رۆژا پێنجشه‌مبى سه‌رۆكێ جڤاتا گشتى راگه‌هاند كو جڤاتا نشتيمانى هه‌ر بژارده‌كا په‌سه‌ند بكه‌ت، گۆڕان پرۆژێ خوه هه‌يه. ئاماژه ب وێ چه‌ندێ ژى كر كو هه‌كه چاكسازيێن هه‌مه‌لايه‌ن بهێنه كرن، د هه‌موو وارێن سياسى، ئابوورى و سێتكه‌رێن حوكمه‌ت و باشتركرنا ژين و ژيارا خه‌لكى دا و ئه‌و ئه‌گه‌رێن پشكداريكرنێ د كابينا نوو يا حوكمه‌تا هه‌رێمێ دا ب هێزتره.
ميديا گۆڕان دايه زانين ژى كو بڕياره پشتى كۆمبوونێ د راگه‌هاندنه‌كێ دا، جڤاتا نشتيمانى و جه‌ماوه‌رێ كوردستانێ و دوست و لايه‌نگرێن گۆڕان ئاگه‌هدار كه‌ت ل سه‌ر ناڤه‌رۆكا كۆمبوونێ و هه‌لويستێ گۆڕان د پشكداريكرن يان نه‌كرن د حوكمه‌تێ دا.