مه‌سرور بارزانى په‌يامه‌كا پيرۆزباهيێ ئاراسته‌ى مه‌سيحيان دكه‌ت
ئه‌ڤرۆنيوز:
شيره‌تكارێ جڤاتا ئاسايشا هه‌رێما كوردستانێ، مه‌سرور بارزانى ئه‌ڤرۆ دوشه‌مبى 24/12/2018 ب هه‌لكه‌فتا جه‌ژنا ژدايكبوونا حه‌زره‌تێ مه‌سيح، په‌يامه‌كا پيرۆزباهيێ ئاراسته‌ى مه‌سيحيان كر.
مه‌سرور بارزانى دپه‌ياما خوه يا پيروزباهيێ دا دبێژيت” ب هه‌لكه‌فتا جه‌ژنا ژدايكبوونا حه‌زره‌تێ مه‌سيح، گه‌رمترين پيرۆزباهيان ل هه‌موو خوشك وبرايێن مه‌سيحى ل كوردستانێ وعيراقێ وجيهانێ دكه‌ين وهيڤيا جه‌ژنه‌كا پر ژ به‌خته‌وه‌ريێ بۆ دخوازم”.
گۆت ژى” كوردستان چاوان به‌رده‌وام ناڤه‌ندا پێكڤه‌ژيانا ئاشتيانه يا ئايينى ونه‌ته‌وى يه، به‌رده‌وام ژى بێ جوداهى ماله‌كا ئارام بوو بۆ هه‌موو ئه‌وێن ژئه‌گه‌رێ سته‌مێ وزۆرداريێ په‌نا بۆ ئيناى”.
مه‌سرور بارزانى دپه‌ياما خوه دا ياركر”ب ڤێ هه‌لكه‌فتێ هيڤيدارين ئاشتى وسه‌قامگيرى ل سه‌رانسه‌رى ده‌ڤه‌رێ به‌رقه‌رار بيت بۆ وێ چه‌ندێ ده‌ليڤا پێشكه‌فتنێ وئاڤه‌دانيێ په‌يدا بيت ودووماهى ب ڤێ نه‌هامه‌تيێ بهێت، كو چه‌ندين ساله تووشى ده‌ڤه‌رێ بووى”.
