تره‌مپ دێ سه‌ره‌دانا ئسرائيل و توركيا كه‌ت
ئه‌ڤرۆ نيوز:
شيره‌تكارێ ئاسايشا نشتيمانى يا ئه‌مريكا راگه‌هاند كو دۆنالد تره‌مپ، سه‌رۆكێ ئه‌مريكا، دێ سه‌ره‌دانا توركيا و ئسرائيل كه‌ت.
جۆن بۆلتۆن، شيره‌تكارێ ئاسایشا نیشتمانی يا ئەمریکا د هژمارا خوه يا تويته‌رى دا راگه‌هاند، هه‌يڤا بهێت سه‌رۆكێ ئه‌مريكا دێ سه‌ره‌دانا توركيا و ئسرائيل كه‌ت.
بۆلتن به‌حس ل بڕيارا ڤه‌كێشانا هێزێن ئه‌مريكا ل سوريا كريه و گۆت: “يێ خۆشحالم كو دێ ل هه‌يڤا بهێت سه‌ره‌دانا توركيا و ئسرائيل كه‌م، به‌حس ل پێنگاڤێن داهاتى يێن روو ب رووبوونا تيرۆرێ و كێشێن به‌رسينگێ هه‌ڤپه‌يمانيێ ل ده‌ڤه‌رێ كه‌ين”.
د چارچۆڤێ سه‌ره‌دانا تره‌مپ ل گه‌ل هه‌ر ئێك ژ ره‌جه‌ب ته‌يب ئه‌ردوگان، سه‌رۆك كۆمارێ توركيا و بنيامێن نه‌ته‌نياهۆ، سه‌رۆك وه‌زيرێن ئسرائيل كۆم بيت.
19ى ڤێ هه‌يڤێ دۆنالد تره‌مپ، سه‌رۆكێ ئه‌مريكا بڕيارا ڤه‌كێشانا هێزێن ئه‌مريكا ژ رۆژئاڤايێ كوردستانێ و سوريا دا، پشتى په‌يوه‌نديه‌كا تله‌فۆنى ل گه‌ل ره‌جه‌ب ته‌يب ئه‌ردوگان سه‌رۆك كۆمارێ توركيا و ئه‌ڤێ چه‌ندێ نه‌رازيبوونا هێزێن يه‌په‌گێ ل رۆژئاڤايێ كوردستانێ ب دووڤ خوه دا ئينا.
