هەکـە تەلـەفـۆنا تە کـەتە دئاڤـێ دا
سندس سالح سلێڤانەی:
شارەزایێن تەکنیکی یێن بوارێ موبایلا ئامۆژگاریێ ددەن کو پشتێ تەلەفۆن ژ ئاڤێ دهێتە دەرێخستن، ڤان پێنگاڤان ب ئارامی ئەنجام بدە:
ب ئێکجاری تەلەفۆنی ڤەکری نەهێلە: ئەگەر هێشتا یێ ڤەکری بیت، ب لەز و ب ئارامی ڤەمرینە.
ژ دەرڤە باش هشک بکە: ب پارچەکا قوماشێ نەرم و بێ توز، تەلەفۆنی ژ دەرڤە باش هشک بکە. ب تایبەت جهێن کێبلان و جیهێن سیمکارتێ.
جهەکێ ڤالا و هشک: تەلەفۆنی ل جهەکێ هشک و یێ کو هەوایێ لێ دگەریت دانە (وەکی ل بەرامبەر پەنجەرەکێ یان ل جهەکێ کو با لێ دهێت). چ جار تەلەفۆنی ل بەر رۆژا گەرم یان ل جهێن گەرم نەدانە.
صەبرێ بگرە: ل شوینا ڤێ چەندێ کو ب هەست یاری پێ بکەی، لێ بگەرە هەتا ب تەمامی هشک دبیت. باشترین دەم بۆ ڤێ چەندێ د ناڤبەرا 24 بۆ 48 دەمژمێران دایە.
رێکا درست یا پاراستنێ
ئەگەر تەلەفۆنا تە کەتە دئاڤێ دا، تو نەشێی ب ئێک دەمژمێرێ ڤەگەرینی وەکی بەرێ ئەگەر تەلەفۆن ب تەمامی د ئاڤێ دا مابیت، باشترین رێک ئەوە تو ببیە لایێ تێکنیکارەکێ شارەزا. تێکنیکار دێ شێت تەلەفۆنی ڤەکەت، پارچێن وێ ژ ئاڤێ پاقژ کەت ب ماددێن تایبەت (وەکی ئالکۆلا ئیسۆپرۆپیل)، دا کو پێش ل زەنگرێ Korosionبگریت.
ب کورت و کرمانجی: ئاڤا کەفتە د تەلەفۆنی دا دژمنێ الکترۆنیکێ یە، لێ یا ژ ئاڤێ مەترسیدارتر، شاشیێن تە نە د مامەلێ دا. ئارام بە، تەلەفۆنی نە ڤەکە، و دەرفەتێ بدەێ کو ب شێوەیەکێ سروشتی هشک ببیت، ئەڤە باشترین رێکە بۆ رزگارکرنا تەلەفۆنا تە ژ ژناڤچوونێ.
