ب ڤیدیۆ: شەڤا بووری شەرەکێ گران د ناڤبەرا پەکەکێ و سوپایێ تورکیا دا روودا
ئەڤرۆ نیوز:
شەڤا بوری فرۆکە و سوپایێ تورکیا ل سەر سنوورێ ناحیا پیران یا سەر ب دەڤەرا بارزان ل گەل چەکدارێن پارتا کرێکارێن کوردستانێ (پەکەکێ) شەر و پەڤچونێن مەزن ئەنجام دان، ترسەکا مەزن ئێخستیە دلێ خەلکێ دەڤەرێ، ھەتا دروستکرنا ئەڤی نوچەی پێزانین لسەر زیانێن ئەوی شەری نەھاتیە زانین.
وەلاتیەکێ خەلکێ دەڤەرێ ب ناڤێ عادل شێروانى بێژیت بۆ ئەڤرۆ نیوز گۆت: (شەڤا بوری سوپایێ تورکیا و چەکدارێن پەکەکێ شەرەکێ گران ل گوندێ کولەکا یا سەر ب سنوورێ ناحیا پیران ئەنجام دا، شەرێ وان ژی ب فروکە و توپ و دوشک و بیکەیسی بویە).
زێدەتر گۆت: (ژبەرکو شەر گەلەک نێزیکێ جھێن ئاڤەدانی بویە، ترسەکا زور کەفتیە دلێ خەلکێ دەڤەرێ، شەرێ وان شەڤا بوری ھەتا بەری سپێدەھیا ئەڤرو بەردەوام بو، بەلێ ھەتا نوکە خەلکی چ پێزانین لسەر زیانێن شەرێ وان نینە).
ب گورەی پێزانینێن قەزا مێرگەسوور کو پێشتر داینە ئەڤرۆ نیوز پتری 80 گوندێن دەڤەرێ ژ بەر ئالوزیێن دناڤبەرا وان ھەردوو ھێزا ھاتینە چولکرن، مەترسی لسەر چەند گوندەکێن دی ژی دروست بویە.
