پارتى بۆ زێده‌كرنا جێگره‌كى بۆ سه‌رۆكێ هه‌رێمێ دێ سه‌ره‌دانا گۆڕان كه‌ت
ئه‌ڤرۆ نيوز:
بڕياره شانده‌كێ پارتى ديموكراتى كوردستان سه‌ره‌دانا سلێمانيێ بكه‌ت و ل گه‌ل بزاڤا گۆڕان ده‌رباره‌ى زێده‌كرنا جێگره‌كێ دى بۆ سه‌رۆكێ هه‌رێما كوردستانێ كۆم ببيت.
هێمن شێخانى، ئه‌ندامێ جڤاتا نشتيمانى يا بزاڤا گۆڕان بۆ رووداو گۆت: “بڕياره ئه‌ڤرۆ رۆژا پێنجشه‌مبى 11ى نيسانا 2019 شانده‌كێ پارتى سه‌ره‌دانا گۆڕان بكات، بۆ دانوستاندنێ ده‌رباره‌ى دانانا جێگره‌كێ دى بۆ سه‌رۆكێ هه‌رێما كوردستانێ”.
ئه‌وى ئه‌ندامێ جڤاتا نشتيمانى يا گۆڕان گۆت: “سه‌ره‌دانا پارتى بۆ مه يا چاڤه‌رێنه‌كرى يه، چونكو مه رێكه‌فتن ل گه‌ل پارتى ئيمزا كريه و هه‌موو تشت د وێ رێكه‌فتنێ دا به‌حس كرينه، هه‌ردولا ژى د پابه‌ند بووين ب رێكه‌فتنا هاتيه راگه‌هاندن”.
زێده‌تر گۆت: “ئه‌م ل گه‌ل وێ چه‌ندێ نينن، ببينه رێگر ل هه‌مبه‌ر گيرۆبوونا كابينا نوو يا حوكمه‌تێ، به‌لێ پاشخستنا كۆمبوونا په‌رله‌مانى و سه‌ره‌دانا پارتى بۆ لايێ گۆڕان يا چاڤه‌رێنه‌كرى يه”.