دووماهى پێزانین ل دۆر 4 مووچێن پێشمه‌رگه‌ى
ئه‌ڤرۆ نیوز:
ئه‌ندامه‌كێ په‌رله‌مانێ عیراقێ ژ فراكسیۆنا پارتى دیموكراتى كوردستان ل دۆر چار مووچێن پێشمه‌رگه‌ى كو ژلایێ به‌غدا رازیبوون ل سه‌ر هاتیه كرن پێزانینێن نوو دان.
ناسر هه‌ركى، ئه‌ندامێ په‌رله‌مانێ عیراقێ ژ فراكسیۆنا پارتى وئه‌ندامێ لژنا ئاسایش وبه‌رگریێ یا په‌رله‌مانى د داخۆیانیه‌كا رۆژنامه‌ڤانى دا گۆت” ب بریارا عادل عه‌بدولمه‌هدى سه‌رۆك وه‌زیرێن عیراقێ ووه‌زیرێ به‌رگریا عیراقێ ب وه‌كاله‌ت بریارا مه‌زاختنا مووچێ پێشمه‌رگه‌ى بۆ هه‌ر چار هه‌یڤێن ( 1 و2 و3 و4) یێن سالا 2019 هاتیه دان كو گۆژمێ پارێ هه‌ر هه‌یڤه‌كێ 68 ملیار دینارن”.
گۆت ژى” پارێ پێشمه‌رگه‌ى كو بۆ مووچێ هه‌ر چار هه‌یڤان هاتیه دابینكرن، دێ ل ده‌مه‌كێ زوو ژلایێ وه‌زاره‌تا دارایى ڤه ده‌ست ب به‌لاڤكرنا وى هێته كرن”.