روونشتنه‌كا دى يا دادگه‌هكرنا سه‌لاحه‌دين ده‌ميرتاش ئه‌ڤرۆ دێ ب رێڤه چيت
ئه‌ڤرۆ نيوز:
ئه‌ڤرۆ رۆژا چارشه‌مبى 24ى نيسانا 2019ێ روونشتنه‌كا دى بۆ دادگه‌هكرنا سه‌لاحه‌دين ده‌ميرتاش، هه‌ڤسه‌رۆكێ هه‌ده‌پێ دێ ب رێڤه چيت.
ب گۆره‌ى ميديا توركيا بڕياره ئه‌ڤرۆ دادگه‌ها سنجا ل ئه‌نقه‌ره، روونشتنه‌كا دى بۆ دادگه‌هكرنا هه‌ڤسه‌رۆكێ به‌رێ يێ هه‌ده‌پێ ئه‌نجام بده‌ت و سه‌لاحه‌دين ده‌ميرتاش دێ د رێيا ڤيديۆيێ دا پشكداريێ كه‌ت و به‌ره‌ڤانيێ ژ خوه كه‌ت.
هه‌ر ب گۆره‌ى وان نووچه‌يان، ژماره‌كا به‌رپرس و په‌رله‌مانتارێن هه‌ده‌پێ ژى دێ ئاماده‌ى ڤێ روونشتنا دادگه‌هێ بن.
سه‌لاحه‌دين ده‌ميرتاش ل رۆژا 4ى چريا دويێ 2016 هاتيه ده‌سته‌سه‌ركرن و زێده‌تر ژ 90 دوسيان ل سه‌ر هاتينه ڤه‌كرن.