دەنگێن ئەکرەم ئیمام ئوگلۆ دێ زێدەتر لێ ھێن
ئەڤرۆ نیوز، سەرجان مەحمود:
گونال ئۆچەر خوەدانێ کۆمپانیا پۆلیمیترە یا راپرسیان د داخویانیەکی دا راگەھاند کو ئەو وەسا دبینن دوبارە ئەنجامدانا ھەلبژارتنا سەرۆکێ باژێرڤانیا مەزن یا ئستەنبولێ دێ ھەری زێدە زیانێ بگەھینیتە دەستھەلاتا ئاکپارتیێ و ئەردۆگانی و گۆت: (د ناڤا وەلاتیان دا ل ئستەنبولێ نەرازیبوونەکا مەزن یا ھەیی و خەلکی نەڤێن ل ئستەنبولێ بچنە سەر سندۆقێن دەنگدانێ و د ناڤا جڤاکێ دا پشتەڤانیەکا مەزن بۆ ئەکرەم ئیمام ئوگلۆ دروست بوویە).
گونال ئۆچەر د پشکەکا دی یا ئاخڤتنا خوە دا ژی ل سەر رۆلێ دەنگدەرێن کورد ئانکۆ ھەدەپێ ژی دیار کر کو چاوا دەنگدەرێن کورد ل باژێرێن مەزن یێن تورکیا ب دەنگێن خوە ئەنجامێن ھەلبژارتنێ گوھەرتن و بوونە ئەگەرێ سەرکەفتنا جەھەپێ ل ئەنقەرە، ئستەنبول، ئەدەنە، ئانتالیا، مێرسینێ و گۆت: (ل دووڤ ھزرا من دەنگێ ئاکپارتیێ دێ گەلەک ژ ھەلبژارتنا بۆری یا باژێرڤانیان کێمتر ببیت و ئەکرەم ئیمام ئوگلۆ ب رحەتی دێ ھەلبژارتنا سەرۆکاتیا باژێرڤانیا ئستەنبولێ قەزەنج کەت).
