ھەرسێ سەرۆکاتیێن عیراقێ بۆ رێورەسمێن سویندخوارنێ ھاتینە داخوازکرن
ئەڤرۆ نیوز:
سەرۆکا فراکسیونا پارتی ل پەرلەمانێ عیراقێ دیارکر ھەرسێ سەرۆکاتیێن عیراقێ ب فەرمی ھاتینە داخوازکرن بۆ ئامادەبوونا رێورەسمێن سویندخوارنا سەرۆکێ نوو یێ ھەلبژارتی یێ ھەرێما کوردستانێ.
زێدەتر د.ڤیان سەبری گۆت: حوکمەتا ھەرێما کوردستانێ ھەرسێ سەرۆکێ کوماری و وەزیران و پەرلەمانی زێدەباری سەرۆکێن ھەموو حزبێن سیاسی یێن سەرانسەری عیراقێ و بالیوزخانە ھاتینە داخوازکرن بۆ ئامادەبوونا رێورەسمێن سویندخوارنا نێچیرڤان بارزانی وەک سەرۆکێ نوو یێ ھەلبژارتی یێ ھەرێما کوردستانێ و داخوازناما فەرمی ژی گەھشتیە ھەموو لایان.
ھەژی گۆتنێ یە سوبەھی رۆژا دوشەمبی رێکەفتی ١٠-٦-٢٠١٩ دەمژمێر ١١ سپێدێ ب فەرمی نێچیرڤان بارزانی دێ سویندا قانوونی خوت.