ئه‌مريكا بڕيارا خوه يا ئێكێ ل دژى توركيا ده‌ركر
ئه‌ڤرۆ نيوز:
وه‌زاره‌تا به‌ره‌ڤانيا ئه‌مريكا “په‌نتاگۆن” بڕياره‌كا وه‌ولاتێ خوه ل دژى توركيا بجهـ دئينيت.
ب گۆره‌ى نووچه‌كێ ئاژانسێن جيهانى، په‌نتاگۆنێ ب فه‌رمى راگه‌هاند كو مه‌شقكرنا فرۆكه‌ڤانێن تورك ل سه‌ر فرۆكێن شه‌ركه‌رێن F35 هاتيه راگرتن.
پێشتر توركيا گرێبه‌ستا ژماره‌كا فرۆكێن F35 ل گه‌ل ئه‌مريكا ئيمزاكربوو، خاله‌كا گرێبه‌ستێ مه‌شقكرنا ژماره‌كا فرۆكه‌ڤانێن وێ بوو ل سه‌ر وى جۆرێ فرۆكێ.
راگرتنا مه‌شقكرنا فرۆكه‌ڤانێن تورك ژ ئه‌گه‌رێ رژديا توركيايه ل سه‌ر كرينا سيسته‌مێ مووشه‌كى يێ S400 ژ رۆسيا.
