مه‌سرور بارزانى: د دو رۆژێن بهێت دا دێ سه‌ره‌دانا لايه‌نێن دى يێن سياسى كه‌ين
ئه‌ڤرۆ نيوز:
مه‌سرور بارزانى، راسپارديێ پێكئينانا كابينا نوو يا حوكمه‌تا هه‌رێما كوردستانێ پشتى كۆمبوونا ل گه‌ل مه‌كته‌با سياسى يا پارتى ديموكراتى كوردستان د كۆنگره‌كێ رۆژنامه‌ڤانى دا راگه‌هاند كو دێ بزاڤێ كه‌ن به‌رى ده‌مێ قانوونى، ناڤێن به‌ربژاران پێشكێشى په‌رله‌مانى بكه‌ن.
مه‌سرور بارزانى گۆت: “پۆست هاتينه ئێكلاكرن و ب تنێ سى ڤى يێن به‌ربژاران ماينه دێ وه‌رگرن و دانوستاندنێ ل سه‌ر كه‌ن”.
راسپارديێ كابينا نوو يا حوكمه‌تێ ئاماژه ب وێ چه‌ندێ ژى كر كو پێدڤيه لايه‌نێن پشكدار د حوكمه‌تێ دا، به‌رپژارێن وان ئه‌و بنه‌ما تێدا بن كو بشێن ببنه وه‌زير.
ده‌رباره‌ى سه‌ره‌دانا لايه‌نێن سياسى، مه‌سرۆر بارزانى گۆت: “د دو رۆژێن بهێت دا، دێ سه‌ره‌دانا سلێمانيێ ژى كه‌ين و ل گه‌ل لايه‌نێن سياسى كۆم بين”.