رێیا سەرەکیا مووسل بۆ پارێزگەھا دھۆکێ دێ ھێتە نووژەنکرن
ئەڤرۆ نیوز، بارزان مزووری:
جێگرێ ئێکێ یێ پارێزگارێ نەینەوا بۆ ئەڤرۆ نیوز ئاشکرا کر، ب درێژاھیا ٢٨ کیلۆمەتران رێیا سەرەکی یا د ناڤبەرا مووسلێ و پارێزگەھا دھۆکێ دا دێ ھێتە نووژەنکرن و دبێژیت: ل نیچزیک ئەو پرۆژە دێ کەڤیتە د وارێ ب جھئینانێ دا.
سیروان رۆژبەیانی، جێگرێ ئێکێ یێ پارێزگارێ نەینەوا خویا کر، رێیا سەرەکی یا نیڤدەولەتی د ناڤبەرا مووسلێ و پارێزگەھا دھۆکێ پشتی ھاتنا تیرۆرستێن داعش گەلەک زیان گەھشتینێ و تێک چوویە، لەو بڕیار ھاتیە دان ئەو رێیە ب درێژاھیا ٢٨ کیلۆمەترا دوبارە ژ لایێ ئیدارا پارێزگەھا نەینەواڤە بھێتە نووژەنکرن و ئەو جھێن ھاتینە گرتن ژی دوبارە دێ ھێنە ڤەکرن.
ناڤھاتی دیار ژی کر کو دگەل ڤەکرنا ھەردو سایدێن رێیا مووسل بۆ شێخان ئەو جھێن ھاتینە خرابکرن ژی دێ ھێنە نووژەنکرن، داکو وەلاتی ب شێوەکێ ئاسایی ھاتنوچوونێ لێ بکەن، دیسا ئەو رێیە جووتسایدە و گەلەک جھان زالگەە ھاتینە دانان، لەو سایدەک ب تنێ ھاتیە ڤەکرن، لێ سایدێ ھاتیە گرتن ژی ب شێوەکێ فەرمی دێ ھێتە ڤەکرن.
سیروان رۆژبەیانی ئاماژە ب وێ چەندێ ژی کر کو ھەموو بەرھەڤی ھاتینە کرن ل ٢٦/٦/٢٠١٩ ئەو پرۆژە بھێتە راگەھاندن داکو بۆ کۆمپانیەکێ بکەڤیت و بکەڤیتە د وارێ ب جھئینانێ دا.